ପାଟଣା : ପଞ୍ଚାୟତରେ ଉନ୍ନୟନ ପାଇଁ ଖର୍ଚ୍ଚ ହେଉଛି କୋଟି କୋଟି ଟଙ୍କା। ମନରେଗା ଯୋଜନାରେ ପାଟଣା ବ୍ଲକରେ ଶହ ଶହ କୋଟି ଟଙ୍କା ଖର୍ଚ୍ଚ ହେଉଛି ତଥାପି ଗ୍ରାମାଞ୍ଚଳରେ ରାସ୍ତା ଅବସ୍ଥା ଶୋଚନୀୟ ହୋଇପଡ଼ିଛି। ଏପରିକି କେତେକ ସାହିକୁ ଆଜି ପର୍ଯ୍ୟନ୍ତ ମାଟି ରାସ୍ତା ଖଣ୍ଡିଏ ମଧ୍ୟ ସମ୍ଭବ ହୋଇ ନାହିଁ। ଏଭଳି ବିକଳ ଚିତ୍ର ଦେଖିବାକୁ ମିଳିଛି ପାଟଣା ବ୍ଲକ ଅନ୍ତର୍ଗତ ଡୁମୁରିଆ ପଞ୍ଚାୟତ ପିଛୁଳାବେଡା ଗ୍ରାମର ନାର୍ଦନବେଡା ଓ ଭାଲୁପାହାଡ଼ି ସାହିକୁ ରାସ୍ତା ନଥିବାରୁ ବାଧ୍ୟ ହୋଇ ଆଜି ଜଣେ ଗୁରୁତର ରୋଗୀଙ୍କୁ ୨ କିଲୋମିଟର ଯାଏ ଖଟିଆରେ ଆମ୍ବୁଲାନ୍ସ କର୍ମଚାରୀ ମାନେ ସାହିବାସୀଙ୍କ ସହଯୋଗରେ ବୋହିବା ପରେ ୧୦୮ ରେ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଛି। ଭାଲୁପାହାଡ଼ି ସାହିର ରମେଶ ମୁଣ୍ଡା(୫୦)ପେଟ ଓ ଛାତି ଯନ୍ତ୍ରଣାରେ ଗୁରୁତର ହୋଇ ପଡିବାରୁ ୧୦୮ କୁ ଖବର ଦିଆ ଯାଇଥିଲା। ତେବେ ୧୦୮ ଆମ୍ବୁଲାନ୍ସ ଚାଳକ ମନମୋହନ ଦାସ ତତ୍କାଳ ସେହି ଗ୍ରାମର ବିଦ୍ୟାଳୟ ନିକଟ ପର୍ଯ୍ୟନ୍ତ ଯିବାପରେ ରୋଗୀଙ୍କ ଘରକୁ ୧୦୮ ନେଇ ପାରିନଥିଲେ। ବାଧ୍ୟହୋଇ ସାହି ଲୋକଙ୍କ ସହଯୋଗରେ ଗୁରୁତର ରମେଶକୁ ଖଟିଆରେ ବୋହି ୧୦୮ ଯାଏ ଆଣିଥିଲେ। ଗୁରୁତର ରମେଶ ଏବେ ଚିକିତ୍ସାଧୀନ ଅଛନ୍ତି।
Popular Categories
Previous article
Next article