ସମାଜ ଡିଜିଟାଲ ଡେସ୍କ: ପୁରୀ ରାଜଭବନରେ ଏଏସଓ ବୈକୁଣ୍ଠନାଥ ପ୍ରଧାନଙ୍କୁ ମାଡ଼ ମରାଯିବା ଘଟଣାରେ ନ୍ୟାୟ ପାଇଁ ସମୁଦ୍ରକୂଳ ଥାନାର ଦ୍ବାରସ୍ଥ ହୋଇଛନ୍ତି ପୀଡ଼ିତ। ପୀଡ଼ିତ ଏଏସଓ ଏବଂ ତାଙ୍କ ସ୍ତ୍ରୀ ସାୟୋଜାଙ୍କ ସମେତ ଅନ୍ୟାନ୍ୟ ସଂଗଠନର କର୍ମକର୍ତ୍ତାମାନେ ବୁଧବାର ଥାନାରେ ପହଞ୍ଚି ନ୍ୟାୟ ଦାବି କରିଛନ୍ତି। ଗତ ଜୁଲାଇ ମାସରେ ଏଏସଓଙ୍କୁ ପୂର୍ବତନ ରାଜ୍ୟପାଳ ରଘୁବର ଦାସଙ୍କ ପୁଅ ମାଡ଼ ମାରି ଲହୁଲୁହାଣ କରିଥିଲେ। ଏ ନେଇ ଏଏସଓ ଜଣକ ସେହିମାସ ୧୧ ତାରିଖରେ ସମୁଦ୍ରକୂଳ ଥାନାରେ ଏତଲା ଦେଇଥିଲେ। ହେଲେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିଲା। ବିରୋଧୀମାନେ ମଧ୍ୟ ଏହି ପ୍ରସଙ୍ଗରେ ଶାସକ ବିଜେପିକୁ ଘେରିଥିଲେ। ତେବେ ଘଟଣାକୁ ୭ମାସ ବିତିଯାଇଥିଲେ ମଧ୍ୟ ପୁଲିସ ଏତଲା ଆଧାରରେ ଷ୍ଟେସନ ଡାଏରୀ କରି ନ ଥିବା ଏଏସଓ ଓ ତାଙ୍କ ସ୍ତ୍ରୀ ଅଭିଯୋଗ କରିଛନ୍ତି।
Comments are closed.