ମିରଟ : ଉତ୍ତର ପ୍ରଦେଶର ମିରଟରୁ ଏକ ଚକିତ କରିଦେବା ଭଳି ଘଟଣା ସାମ୍ନାକୁ ଆସିଛି । ପ୍ରେମିକ ସହ ମିଶି ନିଜ ପତିଙ୍କୁ ହତ୍ୟା କରି ଗିରଫ ହୋଇଛନ୍ତି ମହିଳା । ତେବେ ଯୁବକଙ୍କ ମୃତ୍ୟୁକୁ ଭିନ୍ନ ଢଙ୍ଗରେ ଦର୍ଶାଇବା ପାଇଁ ଚେଷ୍ଟା କରି ବିଫଳ ହୋଇଛନ୍ତି ମହିଳା ଓ ତାଙ୍କ ପ୍ରେମିକ ।
ଘଟଣାଟି କିଛି ଏମିତି । ମହିଳା ନିଜ ପ୍ରେମିକ ସହ ମିଶି ସ୍ବାମୀଙ୍କୁ ତଣ୍ଟି ଚିପି ହତ୍ୟା କରିଥିଲେ । ଏହା ପରେ ତାଙ୍କ ମୃତଦେହ ପାଖରେ ଏକ ସାପ ଛାଡିଦେଇଥିଲେ । ସାପଟି ତାଙ୍କୁ କାମୁଡିଥିଲା । ସକାଳକୁ ପରିବାରଲୋକେ ପୁଅର ମୃତଦେହ ଦେଖିବା ପରେ ସାପ କାମୁଡା ଚିହ୍ନ ଦେଖିଥିଲେ । ସମସ୍ତେ ସାପ କାମୁଡାରେ ତାଙ୍କର ମୃତ୍ୟୁ ହୋଇଛି ବୋଲି ସନ୍ଦେହ କରିଥିଲେ । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁ ଅନେକ ସମୟ ପୂର୍ବରୁ ହୋଇଥିବାବେଳେ ଶ୍ବାସରୁଦ୍ଧ ହୋଇ ମୃତ୍ୟୁ ହୋଇଥିବା ଜଣାପଡିଥିଲା ।
ଏମିତି ରିପୋର୍ଟ ପରେ ପରିବାରଲୋକଙ୍କ ସନ୍ଦେହ ହୋଇଥିଲା । ପୁଲିସ ପଚରାଉଚରା ପରେ ମହିଳା ଜଣକ ସତ ମାନିଯାଇଥିଲେ । ଉଭୟ ମହିଳା ଓ ତାଙ୍କ ପ୍ରେମିକଙ୍କୁ ଗିରଫ କରି କାର୍ଯ୍ୟାନୁଷ୍ଠାନ ଜାରି ରଖିଛି ପୁଲିସ ।
Comments are closed.