ନୂଆଦିଲ୍ଲୀ : ହାୟର ନିଜ ନୂଆ ଗ୍ରାଭିଟି ସିରିଜ୍ ଏୟାର କଣ୍ଡିସନର ଲଞ୍ଚ୍ କରିଦେଇଛି । ଏହି ସିରିଜ୍ ଖାସ୍ କରି ସ୍ମାର୍ଟ ଷ୍ଟାଇଲିଂ ଟେକ୍ନୋଲୋଜି ଚାହୁଁଥିବା ଗ୍ରାହକଙ୍କୁ ନଜରରେ ରଖି ପ୍ରସ୍ତୁତ କରାଯାଇଛି । ଏଥିରେ କୃତ୍ରିମ ବୁଦ୍ଧିମତା ଦ୍ବାରା ଶୀତତାପ ନିୟନ୍ତ୍ରଣ ଫିଚର ରହିଛି । ଏହାକୁ ଭାରତର ପ୍ରଥମ କୃତ୍ରିମ ବୁଦ୍ଧିମତା ବିଶିଷ୍ଟ ଏସି କୁହାଯାଉଛି ।
ଗ୍ରାଭିଟି ସିରିଜର ଏସିରେ ଏଆଇ କ୍ଲାଇମେଟ୍ ଆସିଷ୍ଟାଣ୍ଟ ନାମକ ଏକ ଖାସ୍ ଟେକ୍ନୋଲୋଜି ଦିଆଯାଇଛି ଯାହା ୟୁଜରଙ୍କ ମନ ଅନୁସାରେ ରୁମ ତାପମାତ୍ରାକୁ ନିୟନ୍ତ୍ରଣ କରିବ । ଏହା ବାହାର ତାପମାତ୍ରା ଏବଂ କୋଠରୀ ତାପମାତ୍ରାକୁ ନୀରିକ୍ଷଣ କରି ତଦନୁସାରେ ଥଣ୍ଡା କରିଥାଏ । ଯାହା ଫଳରେ ବାରମ୍ବାର ରିମୋଟ ଧରି ଆଡଜଷ୍ଟ କରିବା ଆବଶ୍ୟକ ପଡେନାହିଁ । ଏହା ସହିତ ଏଥିରେ ବିଜୁଳି ଖର୍ଚ୍ଚ ନେଇ ମଧ୍ୟ ସୂଚନା ମିଳିଥାଏ ।
ଗ୍ରାଭିଟି ସିରିଜର ସୁପରସୋନିକ୍ କୁଲିଂ ଫିଚର ମାତ୍ର ୧୦ ସେକେଣ୍ଡରେ କୋଠରୀକୁ ଥଣ୍ଡା କରିଦିଏ । ଏହା ଅନ୍ୟ ସାଧାରଣ ଏସି ତୁଳନାରେ ୨୦ ଗୁଣା ଅଧିକ ବେଗରେ କାମ କରିଥାଏ । ତାପମାତ୍ରା ଥଣ୍ଡା ହେବା ପରେ ଏହା ଏନର୍ଜି ସେଭିଂ ମୋଡକୁ ଚାଲିଯାଏ । ଏଥିରେ ସେଲ୍ଫ କ୍ଲିନ୍ ଟେକ୍ନୋଲୋଜି ଥିବା ଯୋଗୁଁ ୯୯.୯% ବିଶୁଦ୍ଧ ପବନ ଦେଇଥାଏ । ଏଥିରେ ୭ଟି ଅଲଗା ଅଲଗା କୁଲିଂ ମୋଡ୍ ରହିଛି । ଏହା ୬୦ ଡିଗ୍ରୀ ସେଲସିୟସ ତାପମାତ୍ରାରେ ମଧ୍ୟ ଉତ୍ତମ କାମ କରିପାରିବ । ଏହାର ଦାମ୍ ୫୧,୯୯୦ ଟଙ୍କାରୁ ଆରମ୍ଭ ହେଉଛି । ଗ୍ରାହକ ଏହାକୁ Haierର ଓ୍ବେବସାଇଟ୍ ଓ ଇ-କମର୍ସ ପ୍ଲାଟଫର୍ମ ଓ ରିଟେଲ ଷ୍ଟୋରରୁ କ୍ରୟ କରିପାରିବେ ।
