ଗୁଣପୁର: ଭାଗ୍ୟର ବିଡମ୍ବନା । କରୋନାରେ ଆକ୍ରାନ୍ତ ହୋଇ ଜେଜେବାପାଙ୍କ ମୃତ୍ୟୁପରେ ଏବେ ଛଅବର୍ଷର ଶିଶୁପୁତ୍ର ନାଇଡୁ ପ୍ରଣିତ କୁମାର ବଞ୍ଚିବା ପାଇଁ ରାହା ଖୋଜୁଛି। ଏମିତି ଏକ ହୃଦୟ ବିଦାରକ ଘଟଣା ଘଟିଛି ରାୟଗଡା ଜିଲ୍ଲା ରାମନାଗୁଡା ବ୍ଲକ ଡେପଗୁମୁଡା ଗ୍ରାମରେ ।
ଦୁଃଖପରେ ଦୁଃଖ। ହୃଦୟବିଦାରକ ଘଟଣା ଘଟିଛି ଛଅବର୍ଷର ଶିଶୁପୁତ୍ର ପ୍ରଣିତ ଉପରେ। ଯେଉଁ ବୟସରେ ବାପା,ମାଆଙ୍କ ସ୍ନେହ ପାଇ ହସଖୁସିରେ ଜୀବନ ବିତେଇବାରଥିଲା ଏବେ ସେ ପିତୃମାତୃ ହୀନ । ଭାଗ୍ୟର ବିଡମ୍ଭନାରେ ପ୍ରଥମେ ବାପା ନାଇଡୁ ସନ୍ତୋଷ କୁମାର ୬.୪.୧୯ରେ ଶେଷ ନିଶ୍ବସ ତ୍ୟାଗ କରିଥିଲେ । ସ୍ବାମୀଙ୍କ ମୃତ୍ୟୁପରେ ଭାଙ୍ଗିପଡି ପ୍ରଣିତଙ୍କ ମାଆ ଝାନ୍ସି ବି ପ୍ରାଣ ତ୍ୟାଗ କରିଥିଲେ। ଏଭଳି ସମୟରେ ଜେଜେ ବାପା,ଏବଂ ଜେଜେ ମାଆଙ୍କ ପାଖରେ ପ୍ରଣିତ ରହି ଆସୁଥିଲା। ପ୍ରଣିତକୁ ସବୁ ସମୟରେ ଜେଜେବାପା ଖୁସିରେ ରଖିବାକୁ ଚାହୁଁଥିଲେ ଲାଳନ ପାଳନରେ କୌଣସି ଅବହେଳା ମଧ୍ୟ କରୁନଥିଲେ। ସାଙ୍ଗ ହୋଇ ଖେଳିବା ସହ ଖାଇବା ଶୋଇବା ପାଠପଢ଼ାର ଦାୟିତ୍ବ ନେଇଥିଲେ ଜେଜେବାପା ଆଉ ଜେଜେମା । ଅଙ୍ଗନବାଡି ହେଉ କି ସ୍କୁଲ ନେବା ଆଣିବା ମଧ୍ୟ କରାଉଥିଲେ। ଏଭଳି ସମୟରେ ମହାମାରୀ କରେନା ଆସି ପ୍ରଣିତର ଭାଗ୍ୟରେ ସବୁକିଛି ଛାରଖାର କରିଦେଲା। ଜେଜେବାପା ନାଇଡୁ ନୌକାୟା ୩୧.୫.୨୧ରେ କରେନାରେ ଚିକିତ୍ସିତ ହୋଇ ରାୟଗଡା ଜିଲ୍ଲାର ଜେକେ କୋଭିଡ ସେଣ୍ଟରେ ଶେଷ ନିଶ୍ବାସ ତ୍ୟାଗ କରିଥିଲେ। ଏବେ ପ୍ରଣୀତ ରୋଗୀଣା ଜେଜେମାଁ ନାଇଡୁ ଇସାଲୁ ପାଖରେ ଲାଳନପାଳନ ହେଉଛି। ପ୍ରଣିତ ବଞ୍ଚିବା ପାଇଁ ରାହା ଖୋଜୁଛି। ଯଦି ସରକାର ଏଭଳି ଶିଶୁକୁ ସମାଜର ମୁଖ୍ୟ ସ୍ରୋତରେ ସାମିଲ କରାଇବା ବ୍ୟବସ୍ଥା ଗ୍ରହଣ କରନ୍ତେ ତେବେ ପ୍ରଣୀତର ଭବିଷ୍ୟତ ଉଜ୍ଜ୍ୱଳ ହୋଇ ପାରନ୍ତା ।
