ଫୁଲବାଣୀ,:ମା’ଙ୍କ ଶ୍ରାଦ୍ଧ ବାର୍ଷିକୀରେ ଯୋଗ ଦେବା ପାଇଁ ଆସିଥିଲେ ଆରପିଏଫ ଯବାନ। ବାଇକ ଦୁର୍ଘଟଣାରେ ଚାଲିଗଲା ଜୀବନ। ଏଭଳି ଦୁଃଖଦାୟକ ଘଟଣା ଘଟିଛି ଫୁଲବାଣୀ ସହରରେ। ସୂଚନା ଅନୁଯାୟୀ, ସ୍ଥାନୀୟ ସାଲୁଙ୍କି ସାହିର ମନୋଜ କୁମାର ତ୍ରିପାଠୀ( ୫୧) ରେଲୱେ ପୁଲିସ ଫୋର୍ସରେ କାର୍ଯ୍ୟରତ ଥିଲେ । ସେ ମାଆଙ୍କ ଶ୍ରାଦ୍ଧ ବାର୍ଷିକୀ ପାଳନ ନିମନ୍ତେ ନିଜ ଘରକୁ ଛୁଟି ନେଇ ଆସିଥିଲେ। ଶନିବାର ରାତିରେ କୌଣସି କାର୍ଯ୍ୟରେ ବାଇକରେ ଯାଉଥିବା ବେଳେ ଏମଆଇ ଡାକ ବଙ୍ଗଳା ପାର୍ଶ୍ବରେ ଥିବା କଲଭର୍ଟ ନିକଟରେ କୌଣସି ଅଜଣା ଗାଡି ତାଙ୍କୁ ଧକ୍କା ଦେଇଥିଲା। ଫଳରେ ବାଇକରୁ ଛିଟିକି ନିକଟସ୍ଥ ଖାଲରେ ପଡ଼ି ଯାଇଥିଲେ ଏବଂ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଦେଖିପାରି ଫୁଲବାଣୀ ଟାଉନଥାନାକୁ ଖବର କରିଥିଲେ । ଟାଉନ ପୁଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ଜିଲା ମୁଖ୍ୟ ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇ ଥିଲେ। ଏଭଳି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି।
Popular Categories
Previous article
Next article