ଚାନ୍ଦାଉଲି : ଉତ୍ତରପ୍ରଦେଶର ଚାନ୍ଦାଉଲି ଜିଲା ଅନ୍ତର୍ଗତ ମାଲଦା ଗ୍ରାମର ଏକ କୁଡ଼ିଆ ଘର ଉପରେ ମଙ୍ଗଳବାର ଭୋର ପ୍ରାୟ ସାଢ଼େ ୫ଟା ସମୟରେ ଏକ ଗୋରୁ ବୋଝେଇ ଟ୍ରକ୍ ମାଡ଼ିଯିବାରୁ ୬ଜଣଙ୍କ ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଜଣେ ଛୋଟ ଝିଅ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛି। ଲୋକମାନେ ଶୋଇଥିବାବେଳେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣା ଘଟାଇଥିବା ଗାଡ଼ି କିମ୍ବା ଏହାର ଚାଳକଙ୍କ କୌଣସି ଖବର ମିଳି ନ ଥିବା କହିଛନ୍ତି ଜିଲା ପୁଲିସ ଅଧୀକ୍ଷକ ସନ୍ତୋଷ କୁମାର ସିଂହ।
