ନୂଆଦିଲ୍ଲୀ : ଯଦି ଆପଣ ବିଶ୍ବର କୌଣସି ବି ମ୍ୟାକଡୋନଲ୍ଡସକୁ ଯିବେ ଏବଂ ଆପଣଙ୍କୁ ମାଗଣାରେ ଖାଇବା ମିଳିବ ତେବେ କେମିତି ହେବ ? ହୁଏତ ଆପଣଙ୍କୁ ଏମିତି ସୁଯୋଗ ମିଳିନପାରେ । କିନ୍ତୁ ବିଲ୍ ଗେଟ୍ସଙ୍କ ପାଇଁ ରହିଛି ଏମିତି ସୁଯୋଗ । ନିବେଶକ ଓ୍ବାରେନ୍ ବଫେ ନିକଟରେ ଏକ ସାକ୍ଷାତକାରରେ କହିଛନ୍ତି କି ବିଲ୍ ଗେଡ୍ସ ଫାଷ୍ଟ ଫୁଡ୍ ବହୁତ ପସନ୍ଦ କରନ୍ତି । ଓ୍ବାରେନ୍ ବଫେ କହିଛନ୍ତି କି ବିଲ୍ ଗେଟ୍ସଙ୍କ ପାଖରେ ଏକ ଗୋଲ୍ଡ କାର୍ଡ ରହିଛି ଯାହାକୁ ବ୍ୟବହାର କରି ସେ ସାରା ଜୀବନ ମ୍ୟାକଡୋନଲ୍ଡସରେ ମାଗଣାରେ ଖାଇପାରିବେ ।
ଓ୍ବାରେନ୍ ବଫେ କହିଛନ୍ତି କି ତାଙ୍କ ପାଖରେ ମଧ୍ୟ ମ୍ୟାକଡୋନାଲ୍ଡସର ଏକ ଖାସ୍ କାର୍ଡ ରହିଛି । ଏହି କାର୍ଡ ଦେଖାଇ ସେ ଓମାହା ସହରରେ କୌଣସି ବି ମ୍ୟାକଡୋନଲ୍ଡସରେ ସାରା ଜୀବନ ମାଗଣା ଖାଇବାର ମଜା ଉଠାଇପାରିବେ । ବିଲ୍ ଗେଟ୍ସଙ୍କ ପାଖରେ ମଧ୍ୟ ଏମିତି ଏକ କାର୍ଡ ଥିବା ସେ ସୂଚନା ଦେଇଛନ୍ତି । କିନ୍ତୁ ବିଲ୍ ଗେଟ୍ସଙ୍କ ପାଖରେ ଥିବା କାର୍ଡର ଖାସ୍ ସୁବିଧା ହେଉଛି ଏହା ସାରା ବିଶ୍ବର ସମସ୍ତ ମ୍ୟାକଡୋନଲ୍ଡସରେ କାମରେ ଆସିଥାଏ । କହିରଖୁଛୁ ବିଲ୍ ଗେଟ୍ସ ମାଇକ୍ରୋସଫ୍ଟର ପ୍ରତିଷ୍ଠାତା ଏବଂ ବିଶ୍ବର ଧନୀ ଲୋକଙ୍କ ତାଲିକାରେ ତାଙ୍କ ନାଁ ସାମିଲ । ସେ ଯେଉଁଠିକି ବି ଯିବେ ସେଠାରେ ଥିବା ମ୍ୟାକଡୋନଲ୍ଡ୍ସରେ ମନପସନ୍ଦର ଖାଦ୍ୟର ମଜା ନେଇପାରିବେ ।
Comments are closed.