ଭାରତ ଫେରିବେ ପାକିସ୍ତାନରେ ବିବାହ କରିଥିବା ଅଞ୍ଜୁ – ପତି ଏବଂ ପରିବାରକୁ ଛାଡି ପାକିସ୍ତାନ ପଳାଇଥିଲେ

ନୂଆଦିଲ୍ଲୀ – ରାଜସ୍ଥାନରେ ନିଜ ପତି ଏବଂ ପିଲାମାନଙ୍କୁ ଛାଡି ପାକିସ୍ତାନ ପଳାଇଥିଲ ଅଞ୍ଜୁ । ସେଠାରେ ଖାଇବର ପଖତୁନଖ୍ୱାରେ ନିଜ ଫେସବୁକ୍‌ ପୁରୁଷ ବନ୍ଧୁ ନସରୁଲାକୁ ବିବାହ କରିଥିଲେ । ଧର୍ମ ପରିବର୍ତ୍ତନ କରିବା ସହ ନିଜ ନାଁ ଫାତିମା ରଖିଥିଲେ । ସେଠାରେ ଦ୍ୱିତୀୟ ବିବାହ କରିବା ସମୟରେ ନିଜକୁ ବେଶ୍‌ ଖୁସୀ ଥିବା କଥା ଦର୍ଶାଇଥିଲେ ।ପାକିସ୍ତାନରେ ରହି ପାକିସ୍ତାନର ସ୍ୱାଧୀନତା ଦିବସକୁ ପାଳନ କରି ଏହାର ଭିଡିଓ ସାମାଜିକ ଗଣମାଧ୍ୟମରେ ପୋଷ୍ଟ କରିଥିଲେ । ହେଲେ ଭାରତକୁ ଆସିବା ପାଇଁ ଅଞ୍ଜୁ ବ୍ୟଗ୍ର ହୋଇପଡିଥିଲେ ।

ଏବେ ଅଞ୍ଜୁ ଭାରତକୁ ଫେରିବେ ବୋଲି ସୂଚନା ମିଳିଛି । ପାକିସ୍ତାନ ସରକାରଙ୍କ ନିକଟରେ ସେ ଏ ନେଇ ଆବେଦନ କରିଛନ୍ତି । ଏହା ମଞ୍ଜୁର ହୋଇପାରେ ବୋଲି ସୂଚନା ମିଳିଛି । ଏହାପରେ ସେ ଓ୍ୱାଘା ସୀମା ଦେଇ ଭାରତ ଫେରିବେ । ପାକିସ୍ତାନାରେ ଏବେ ଅଞ୍ଜୁଙ୍କର ଅବସ୍ଥା ଖରାପ । ସେ ଖୁବ ଶୀଘ୍ର ଭାରତ ଫେରିବା ପାଇଁ ଚାହାନ୍ତି ବୋଲି ସାମାଜିକ ଗଣମାଧ୍ୟମରେ ପୋଷ୍ଟ କରିଥିଲେ । ଭାରତରେ ନିଜ ସନ୍ତାନମାନଙ୍କୁ ଭେଟିବା ପରେ ସେ ପାକିସ୍ତାନ ଫେରି ଆସିବେ ବୋଲି ତାଙ୍କର ପାକିସ୍ତାନ ପତି ନସରୁଲ୍ଲା କହିଛନ୍ତି ।