ଆମେରିକାର ଷ୍ଟାନଫୋର୍ଡ ବିଶ୍ୱବିଦ୍ୟାଳୟ ଦ୍ୱାରା ପ୍ରକାଶିତ ବିଶ୍ୱର ଶ୍ରେଷ୍ଠ ଗବେଷକଙ୍କ ତାଲିକାରେ ସ୍ଥାନ ପାଇଛନ୍ତି ଓଡ଼ିଆ ବିଶେଷଜ୍ଞ ଡ଼. ବି.କେ. ମିଶ୍ର । ଡ଼. ମିଶ୍ର ଏବେ ଗୋଆ ଆଇଆଇଟିର ନିର୍ଦେଶକ ଅଛନ୍ତି । ଖଣି କ୍ଷେତ୍ରରେ ତାଙ୍କର ଗବେଷଣା ଓ ଅନୁସନ୍ଧାନ ନିମନ୍ତେ ଡ଼. ମିଶ୍ରଙ୍କ ଅବଦାନ ନିମନ୍ତେ ଷ୍ଟାନଫୋର୍ଡ଼ ବିଶ୍ବବିଦ୍ୟାଳୟ ତାଲିକାରେ ସେ ସ୍ଥାନ ପାଇଛନ୍ତି । କେବଳ ସେତିକି ନୁହେଁ ନିଜ କ୍ଷେତ୍ରରେ ସେ ଦେଶର ଶ୍ରେଷ୍ଠ ବିଶେଷଜ୍ଞ ଭାବରେ ଷ୍ଟାନଫୋର୍ଡ଼ ବିଶ୍ବବିଦ୍ୟାଳୟ ପ୍ରକାଶିିତ ରିପୋର୍ଟରେ ଉଲ୍ଲେଖ କରାଯାଇଛି ।
ଡ଼. ମିଶ୍ର ପୂର୍ବରୁ ଭୂୁବନେଶ୍ବର ଆଇଆଇଏମଟିର ନିର୍ଦେଶକ ଭାବରେ କାର୍ଯ୍ୟ କରିଥିଲେ । ରାଉରକେଲା ଏନଆଇଟିର ବିଶିଷ୍ଟ ଆଲୁମିନି ଭାବରେ ପରିଚିତ ଡ଼. ମିଶ୍ର ଆଇଆଇଟି କାନପୁରରେ ମଧ୍ୟ ପ୍ରଫେସର ଭାବରେ କାର୍ଯ୍ୟ କରିଛନ୍ତି । ୨୦୧୭ ମସିହାରେ ସେ ଗୋଆ ଆଇଆଇଟିର ନିର୍ଦେଶକ ଭାବରେ ଯୋଗଦାନ କରିଥିଲେ । ଏନଆଇଟିରୁ ମେଟ୍ରୁଲୋଜିକାଲ ଇଞ୍ଜିନିଅରିଂରେ ସ୍ନାତକ ଓ ଆମେରିକାର ଓଟ୍ହା ବିଶ୍ବବିଦ୍ୟାଳୟରୁ ପିଏଚଡ଼ି ଡ଼ିଗ୍ରୀ ହାସଲ କରିଛନ୍ତି । ଇଣ୍ଡିଆନ ନେସନାଲ ଏକାଡ଼େମୀ ଅଫ ଇଞ୍ଜିନିଅରିଂରୁ ସେ ଜାତୀୟ ଭୂ ବିଜ୍ଞାନ ସମ୍ମାନ ସହ ଅନେକ ସମ୍ମାନ ପାଇଛନ୍ତି । । ସେ ପୂର୍ବରୁ ଲୁହାପଥର ଖନନର ଗୋଆ ପରିବେଶ ଉପରେ ପ୍ରଭାବ ଆକଳନ ପାଇଁ ସୁପ୍ରିମକୋର୍ଟଙ୍କ ଦ୍ୱାରା ଗଠିତ ବିଶେଷଜ୍ଞ କମିଟିର ସଦସ୍ୟ ଭାବରେ ନିଯୁକ୍ତ ହୋଇଥିଲେ।
