ରିଓ ଡି’ଜେନିରୋ : ଲାଟିନ ଆମେରିକୀୟ ରାଷ୍ଟ୍ର ବ୍ରାଜିଲର ଦକ୍ଷିଣାଞ୍ଚଳରେ ପ୍ରବଳ ବର୍ଷା ଲାଗିରହିଥିବାବେଳେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ବର୍ଷାଜନିତ ଘଟଣାରେ ୫୬ ଜଣ ପ୍ରାଣ ହରାଇଥିବାବେଳେ ୭୦ରୁ ଅଧିକ ଲୋକ ନିଖୋଜ ଥିବା କୁହାଯାଇଛି। ଉରୁଗୁଏ ଏବଂ ଆର୍ଜେଣ୍ଟିନାକୁ ଲାଗିଥିବା ଏହି ଅଞ୍ଚଳରେ ପ୍ରବଳ ବର୍ଷା ଯୋଗୁଁ ୨୩ ହଜାର ଲୋକ ବାସଚ୍ୟୁତ ହୋଇଛନ୍ତି। ଗୁରୁବାରଠାରୁ ଆରମ୍ଭ ହୋଇଥିବା ଅବିଶ୍ରାନ୍ତ ବର୍ଷାରେ ରିଓ ଗ୍ରାଣ୍ଡେ ଡୋ ସୁଲ୍ ପ୍ରଦେଶର ୪୯୭ଟି ସହର ପ୍ରଭାବିତ ହୋଇଥିବା ଜଣାପଡିଛି।ଅଧିକାଂଶ ସହରରେ ବର୍ଷାଜଳ ରାସ୍ତା ଉପରେ ପ୍ରବାହିତ ହେଉଥିବାବେଳେ ଏହା ନଦୀର ଭ୍ରମ ସୃଷ୍ଟି କରିଛି। କେତେକ ସ୍ଥାନରେ ଭୂସ୍ଖଳନ ଘଟିଥିବାବେଳେ ଏକ ନଦୀବନ୍ଧ ଆଂଶିକ ଭୁଶୁଡି ପଡିଛି। ଅନ୍ୟ ଏକ ନଦୀବନ୍ଧ ଭୁଶୁଡିବା ଅବସ୍ଥାରେ ଥିବାରୁ ସ୍ଥାନୀୟ ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଉଛି।
Popular Categories
Previous article
Next article