କଲକାତା: ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ) ୧୦ମ ସଂସ୍କରଣରେ ମୁମ୍ବଇ ସିଟି ଏଫ୍ସି ଚମ୍ପିଆନ ଆଖ୍ୟା ଅର୍ଜନ କରିଛି। ଶନିବାର ସଲ୍ଟ ଲେକ୍ ଷ୍ଟାଡିୟମ୍େର ଫାଇନାଲ ମ୍ୟାଚ୍ରେ ମୁମ୍ବଇ ସିଟି ଏଫ୍ସି ୩-୧ ଗୋଲରେ ମୋହନ ବାଗାନ ସୁପର ଜାଏଣ୍ଟ୍କୁ ପରାସ୍ତକରି ୨ୟ ଥର ଟ୍ରଫି ଜିତିଛି। ମୁମ୍ବଇ ସିଟି ୨୦୨୦-୨୧ ପରେ ୨ୟ ଥର ଫାଇନାଲରେ ମୋହନ ବାଗାନକୁ ହରାଇବାରେ ସଫଳ ହୋଇଛି। ଗୋଟିଏ ଗୋଲ୍ରେ ପଛୁଆ ଥିବା ସତ୍ତ୍ବେ ମୁମ୍ବଇ କ୍ରମାଗତ ୩ଟି ଗୋଲ୍ଦେଇ ଜିତିପାରିଛି।
ମ୍ୟାଚ ପ୍ରାରମ୍ଭରୁ ସଂଘର୍ଷପୂର୍ଣ୍ଣ ହୋଇଥିଲା। ପ୍ରଥମାର୍ଦ୍ଧେଶଷହେବାକୁ ମାତ୍ର ୧ ମିନିଟ ପୂର୍ବରୁ ଘରୋଇ ଦଳ ମୋହନ ବାଗାନ୍ ଗୋଲ ଦେବାରେ ସଫଳ ହୋଇଥିଲା। ୪୪ ମିନିଟ୍ରେ ମୋହନ୍ ବାଗାନ ପକ୍ଷରୁ ଅେଷ୍ଟ୍ରଲିଆନ ଜେସନ କମିଙ୍ଗ୍ସ ଗୋଲ ଦେଇ ଦଳକୁ ଅଗ୍ରଣୀ କରାଇଥିଲେ। ପ୍ରଥମାର୍ଦ୍ଧ ସୁଦ୍ଧା ମୋହନ ବାଗାନ୍ ୧-୦ ଗୋଲରେ ଆଗୁଆ ରହିଥିଲା। ତେବେ ଦ୍ବିତୀୟାର୍ଦ୍ଧରେ ମୁମ୍ବଇ ସିଟି ଏଫ୍ସି ୩ଟି ଗୋଲ୍ଦେଇ ବିଜୟୀ ହୋଇଥିଲା।
୫୩ ମିନିଟ୍ରେ ମୁମ୍ବଇ ସିଟି ପକ୍ଷରୁ ଜର୍ଜ ପରେରା ଡିଆଜ୍ ଗୋଲ ଦେଇ ସ୍କୋର୍କୁ ୧-୧ କରିଥିଲେ। ୮୧ ମିନିଟ୍ରେ ମୁମ୍ବଇ ସିଟି ପକ୍ଷରୁ ବିପିନି ସିଂହ ୨ୟ ଗୋଲ୍ଦେଇ ଦଳକୁ ୨-୧ରେ ଆଗୁଆ କରିଥିଲେ। ୯୦ ମିନିଟ୍ରେ ମୁମ୍ବଇ ସିଟି ଏଫ୍ସି ପକ୍ଷରୁ ୟାକୁବ୍ ଭୋଏଟୁସ୍ ଗୋଲ ଦେଇ ଦଳକୁ ୩-୧ ଗୋଲରେ ବିଜୟୀ କରାଇଥିଲେ। ମୁମ୍ବଇ ସିଟି ଏଫ୍ସି ୨୦୨୦-୨୧ରେ ଏଟିକେ ମୋହନ ବାଗାନକୁ ୨-୧ ଗୋଲରେ ପରାସ୍ତକରି ପ୍ରଥମ ଥର ଟ୍ରଫି ଜିତିଥିଲା।
ମୁମ୍ବଇ ସିଟିର ଫୁର୍ବା ଲାଚେନ୍ପା ଗୋଲ୍ଡେନ୍ ଗ୍ଲୋଭ୍, କେରଳ ବ୍ଲାଷ୍ଟର୍ସର ଡିମିଟ୍ରିଅସ୍ ଡ୍ୟାମାଣ୍ଟାକୋସ୍ ଗୋଲ୍ଡେନ୍ ବୁଟ୍, ମୁମ୍ବଇ ସିଟିର ବିକ୍ରମ ପ୍ରତାପ ସିଂହ ଶ୍ରେଷ୍ଠ ଉଦୀୟମାନ ଖେଳାଳି ଓ ମୋହନ ବାଗାନର ଡିମିଟ୍ରିଓସ୍ ପେଟ୍ରାଟୋସ୍ ପ୍ଲେୟର ଅଫ୍ ଦି ଲିଗ୍ ହୋଇଥିଲେ।
