ଚୌଦ୍ୱାର : ଆଜାଦୀ କା ଅମୃତ ମହୋତ୍ସବ ପାଳନ ଅବସରରେ ଚୌଦ୍ୱାର କାରାଗାରରୁ ୩ଜଣ କଏଦୀଙ୍କୁ ମୁକ୍ତ କରାଯାଇଛି ।ସ୍ୱାଧୀନତା ଦିବସ ଦିନ ମୁକୁଳିଥିବା କଏଦୀ ମାନେ ହେଲେ ଯାଜପୁର ଜିଲା ବାଲିଚନ୍ଦ୍ରପୁର ଅଞ୍ଚଳର ସୌମ୍ୟ ରଞ୍ଜନ ନାୟକ, ପୁରୀ ଜିଲା ନିମାପଡ଼ା ଅଞ୍ଚଳର ରାଜିଆ ବାରିକ ଏବଂ କଟକ ଜିଲା ଜଗତପୁର ପୀର ବଜାର ଅଞ୍ଚଳର ସେକ୍ ସୁଲେମାନ୍ ମୁସ୍ତାକ। କାରାଗାରରେ ରହଣି ସମୟରେ ଉତ୍ତମ ଚରିତ୍ର, ଉତ୍ତମ ବ୍ୟବହାର ଓ ଶୃଂଖଳିତ ଆଚରଣ ପ୍ରଦର୍ଶନ ପାଇଁ ଏହି ୩ଜଣଙ୍କୁ ମୁକ୍ତି ଦିଆ ଯାଇଥିବା କାରା ଅଧିକ୍ଷକ ପ୍ରଦୀପ୍ତ ବେହେରା ସୂଚନା ଦେଇଛନ୍ତି। ସୂଚନା ଯୋଗ୍ୟ ଯେ, ସ୍ୱାଧୀନତା ଦିବସ ଅବସରରେ ଓଡ଼ିଶାର ବିଭିନ୍ନ କାରାଗାରରେ ରହୁଥିବା ମୋଟ ୨୨ ଜଣ କଏଦୀଙ୍କୁ ରାଜ୍ୟ ସରକାର ମୁକ୍ତ କରିଥିବା ଜଣା ପଡ଼ିଛି ।
Comments are closed.