ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଡୁରା ଓଭରବ୍ରିଜ ସ୍ଥିତ କାଳିଆ ଚା’ ଦୋକାନ ନିକଟରେ ମଙ୍ଗଳବାର ଜଣେ ଯୁବତୀଙ୍କୁ ଅସଦାଚରଣ କରିଥିବା ମାମଲା ପୁଲିସ ବୁଧବାର ଯୁବକ ଜଣଙ୍କୁ କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣକ ହେଲେ ଗୋଳନ୍ଥରା ଥାନା ହଳଦିଆପଦର ଗ୍ରାମର ହରି ବେହେରା ବୋଲି ପୁଲିସ କହିଛି। ସୂଚନା ଯେ ଯୁବତୀ ଜଣଙ୍କ ସାଙ୍ଗ ମାନଙ୍କ ସହ ଡୁରା ଓଭରବ୍ରିଜ ସ୍ଥିତ କାଳିଆ ଚା’ ଦୋକାନ ନିକଟକୁ ମଙ୍ଗଳବାର ଚା’ ପିଇବା ପାଇଁ ଆସିଥିଲେ। ସେହି ସମୟରେ ହରି ଯୁବତୀଙ୍କୁ ଅସଦାଚରଣ କରିଥିଲା। ସେ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ ଅଭିଯୁକ୍ତ ହରିକୁ କାବୁ କରି ଥାନାକୁ ଆଣି ପଚରା ଉଚରା କରି ସତ୍ୟାସତ୍ୟ ଜାଣିବା ପରେ ମାମଲା ରୁଜୁ କରି ଆଜି କୋର୍ଟ ଚାଲାଣ କରିଥିବା ଥାନା ଅଧିକାରୀ ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି।
Comments are closed.