ଭୁବନେଶ୍ବର: କଳାରାହାଙ୍ଗ ସ୍ଥିତ ଜେଡ୍ ଓ୍ବାନ୍ ଆପାର୍ଟମେଣ୍ଟ ବ୍ୟୋମ ଓ ଆଦ୍ବେତ ବାସିନ୍ଦାମାନଙ୍କ ପକ୍ଷରୁ ଓ୍ବିଣ୍ଟର ଫେଷ୍ଟ ଜେଡ୍ ଓ୍ବାନ୍ ପ୍ରାଣରେ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ଭାବେ ପଦ୍ମଶ୍ରୀ ଡକ୍ଟର ଦିଲ୍ଲୀପ ତିର୍କୀ, ସମ୍ମାନିତ ଅତିଥି ଭାବେ ଉତ୍ତର ଭୁବନେଶ୍ବର ବିଧାୟକ ସୁଶାନ୍ତ କୁମାର ରାଉତ୍ ଯୋଗଦେଇ କୁନି କୁନି ପିଲାମାନଙ୍କୁ ପୁରସ୍କୁତ କରିବା ସହ ଏଭଳି ନିଆରା ଉଦ୍ୟମକୁ ପ୍ରଶଂସା କରିଥିଲେ।
ଏହି କାର୍ଯ୍ୟକ୍ରମରେ ଭଳିକି ଭଳି ଖାଦ୍ୟର ଷ୍ଟଲ ଲାଗିଥିଲା। ଏହା ସହ ଫନ୍ କାର୍ଣ୍ଣିଭା୍ଲ ଆକ୍ଟିଭିଟି, ଲାଇଭ୍ ବ୍ୟାଣ୍ଡ, ସାଂସ୍କୁତିକ କାର୍ଯ୍ୟକ୍ରମ ଓ ପୁରସ୍କାର ବିତରଣ କରାଯାଇଥିଲା। ଅପରାହ୍ନ ୪ ଘଟିକାରୁ ମଧ୍ୟ ରାତ୍ରି ଯାଏଁ ଏହି ଫେଷ୍ଟ ଚାଲିଥିଲା।
ଗତ ଡିସେମ୍ବର ୨ରୁ ଜେଡ୍ ଓ୍ବାନ ଆପାର୍ଟମେଣ୍ଟ ସଦସ୍ୟଙ୍କୁ ନେଇ ଓ୍ବିଣ୍ଟର ଫେଷ୍ଟ ଆୟୋଜିତ ହୋଇଥିଲା। ଏହି ଫେଷ୍ଟରେ ବିଭିନ୍ନ ସ୍ପୋଟ୍ସ, ଗେମ୍ ଓ କର୍ଲଚରାଲ କାର୍ଯ୍ୟକ୍ରମ ଉପରେ ପ୍ରତିଯୋଗିତା ଆୟୋଜନ କରାଯାଇଥିଲା। ବୟସ ୩ରୁ ୫ ବର୍ଷ ଏବଂ ୫ରୁ ଉର୍ଦ୍ଧ୍ବ ପିଲା ଓ ବୟସ୍କ ବ୍ୟାକ୍ତିମାନଙ୍କୁ ନେଇ ଏହି ପ୍ରତିଯୋଗିତା କରାଯାଇଥିଲା। ସେମାନଙ୍କୁ ଓ୍ବିଣ୍ଟର ଫେଷ୍ଟର ଶେଷ ଦିବସରେ ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମରେ ଆପାର୍ଟମେଣ୍ଟର ବାସିନ୍ଦାମାନେ ଉପସ୍ଥିତ ରହି ସହଯୋଗ କରିଥିଲେ।
Comments are closed.