ଜଙ୍ଗଲୀ ବାରାହା ଆକ୍ରମଣରେ ବୃଦ୍ଧା ଗୁରୁତର

ଫୁଲବାଣୀ : କନ୍ଧମାଳ ଜିଲ୍ଲା ଗୋଛାପଡା ଥାନା ଅନ୍ତର୍ଗତ ବନ୍ଦୁଲି ଗାଁରେ ଆଜି ସକାଳୁ ଏକ ଅଭନୀୟ ଘଟଣା ଦେଖିବାକୁ ମିଳିଛ। ଜଙ୍ଗଲୀ ବାରାହା ଆକ୍ରମଣରେ ଜଣେ ସାଠିଏ ବର୍ଷର ବୃଦ୍ଧା ଗୁରୁତର ଆହତ ହୋଇଥିବା ସୂଚନା ମିଳିଛି। ଆହତ ହୋଇଥିବା ବୃଦ୍ଧା ଜଣକ ସେହି ବନ୍ଧୁଲି ଗାଁର ବନ୍ଦାଇ କହଁର ବୋଲି ଜଣାପଡିଛି। ତେବେ ମିଳିଥିବା ସୂଚନା ଅନୁସାରେ ବୃଦ୍ଧା ଜଣକ  ସକାଳୁ ଶୌଚ ହେବା ପାଇଁ ନିଜ ଘର ଠାରୁ କିଛି ଦୂରରେ ଥିବା ଜଙ୍ଗଲକୁ ଯାଇଥିଲେ। ଶୌଚ ହେବା ସମୟରେ ଜଙ୍ଗଲ ଭିତରୁ ଏକ ଜଙ୍ଗଲୀ ବରାହା ଆସି ତାଙ୍କୁ ଆକ୍ରମଣ କରିଥିଲା।

ବୃଦ୍ଧାଙ୍କ ଚିତ୍କାର ଶୁଣି ଗାଁର କିଛି ଲୋକେ ଘଟଣା ସ୍ଥଳରେ ପହଞ୍ଚି ବୃଦ୍ଧା ଜଣକୁ ଗୁରୁତର ଅବସ୍ଥାରେ ପ୍ରଥମେ ଗୋଛାପଡା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ ଅବସ୍ଥା ଗୁରୁତର ହେବାରୁ ତାଙ୍କୁ ଚିକିତ୍ସା ପାଇଁ ଗୋଛାପଡା ମେଡିକାଲ ରୁ ସ୍ଥାନାନ୍ତର କରାଯାଇ ଫୁଲବାଣୀ ଜିଲ୍ଲା ମୁଖ୍ୟଚିକିତ୍ସାଲୟରେ ଭର୍ତି କରାଯାଇଛି। ବୃଦ୍ଧା ଜଣକ ଫିରିଙ୍ଗିଆ ବ୍ଲକ ଅଧକ୍ଷା ନମିତା କହଁରଙ୍କ ସମ୍ପର୍କୀୟ ବୋଲି ଜଣା ପଡ଼ିଥିବା ବେଳେ ଖବର ପାଇ ଫିରିଙ୍ଗିଆ ବ୍ଲକ ଅଧକ୍ଷା ଓ ତାଙ୍କ ସ୍ୱାମି ଆମର କହଁର ମେଡିକାଲରେ ପହଞ୍ଚି ବୃଦ୍ଧାଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ।