ଚୌଦ୍ୱାର : ଦେଶର ବରପୁତ୍ର କାରଗିଲ ସହିଦ୍ ଚୌଦ୍ୱାରର ରାଜ କିଶୋର ସାହୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ‘ଆଜାଦି କା ଅମୃତ୍ ମହୋତ୍ସବ’ ପାଳନ ଅବସରରେ ସ୍ଥାନୀୟ ଟାଉନହଲରରେ ସ୍ୱେଚ୍ଛାସେବୀ ଅନୁଷ୍ଠାନ ଉଦ୍ଧାର ଫାଉଣ୍ଡେସନ ଓ ୱାର୍ଡ କାଉନସିଲର ଆଶୁତୋଷ ଦାସଙ୍କ ମିଳିତ ସହଯୋଗରେ ତଥା ଫାଉଣ୍ଡେସନର ସଭାପତି ନରୋତ୍ତମ ଦାସଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ଚୌଦ୍ୱାର-କଟକ ବିଧାୟକ ସୌଭିକ ବିଶ୍ୱାଳ ଅତିଥି ଭାବେ ଯୋଗଦେଇ ଆଜିର ଯୁବ ପିଢି ଜାତୀୟତା ମନ୍ତ୍ରରେ ଉଦବୁଦ୍ଧ ହୋଇ ଦେଶମାତୃକାର ସେବା ପାଇଁ ଆଗେଇ ଆସିବାକୁ ଆହ୍ୱାନ କରିଥିଲେ। ଏନଡିଆରଏଫ୍ କମାଣ୍ଡିଙ୍ଗ ଅଫିସର ଧନଞ୍ଜୟ କୁମାର,ଏସ୍ ଆଇ ଧନଞ୍ଜୟ ସିଂ,ଏୟାରଫୋର୍ସର ପୁର୍ବତନ ଅଧିକାରୀ ବୃନ୍ଦ, ପୌର ଉପାଧ୍ୟକ୍ଷ ଶୁଭେନ୍ଦୁ ସାମଲ, ବିଷ୍ନୁ ଚରଣ ପରିଡା, ପ୍ରେମଚାନ୍ଦ ନାୟକ, ବିମଳ କୁମାର ବେଉରା, ଶକ୍ତି ପ୍ରସାଦ ମହାନ୍ତି, ଚୌଦ୍ୱାର ଫାୟାର ଷ୍ଟେସନର କର୍ମକର୍ତ୍ତା ଓ ଚୌଦ୍ୱାର ପୁଲିସ କର୍ମଚାରୀ, ସ୍ଥାନୀୟ ଶିଶୁ ମନ୍ଦିରର ଛାତ୍ରୀଛାତ୍ରଙ୍କ ସମେତ ବହୁ ବ୍ୟକ୍ତିବିଶେଷ କାର୍ଯ୍ୟକ୍ରମରେ ସାମିଲ ହୋଇଥିଲେ। ପ୍ରାରମ୍ଭରେ ସହିଦ୍ ରାଜକିଶୋରଙ୍କ ପ୍ରତିମୁର୍ତ୍ତିରେ ପୁଷ୍ପମାଲ୍ୟ ଅର୍ପଣ ସହିତ ସହିଦଙ୍କ ବାସଗୃହରୁ ମାଟି ସଂଗ୍ରହ ଓ ଶପଥ ପାଠ କରାଯାଇଥିଲା । ଏହି ଅବସରରେ ନିକଟସ୍ଥ ଦମକଳକେନ୍ଦ୍ର ପରିସରରେ ବୃକ୍ଷ ଚାରା ରୋପଣ କରାଯାଇଥିଲା । ଅଶୋକ କୁମାର ଦାସ ମଞ୍ଚ ପରିଚାଳନା କରିଥିଲେ ଏବଂ ଭାରତୀ ଦାସ ଧନ୍ୟବାଦ ଅର୍ପଣ କରିଥିଲେ।
Comments are closed.