ନ୍ୟୁୟର୍କ – ପାଣିପାଗ ପରିବର୍ତ୍ତନ ଯୋଗୁଁ ଏବେ ବିଭିନ୍ନ ସମସ୍ୟା ଦେଖା ଦେଉଛି । କେତେବେଳେ ଅତ୍ୟଧିକ ଗରମ ତ କେତେବେଲେ ପ୍ରବଳ ବର୍ଷା , ଆଉ କେତେବେଳେ ପ୍ରବଳ ଶୀତ । କେଉଁଠି ପାହାଡ ଧସିଲାଣି ତ କେଉଁଠି ବନ୍ୟା କିମ୍ବା ବାତ୍ୟାର ପ୍ରକୋପ । ପାଣିପାଗ ପରିବର୍ତ୍ତନ ଯୋଗୁଁ ବିଭିନ୍ନ ରୋଗ ବି ବଢୁଛି । ଗଛ କଟା ସାଙ୍ଗକୁ କଳ କାରଖାନା , ଗାଡି ମଟର ସଂଖ୍ୟା ବଢିଛି । ଏଥିପାଇଁ ବିଶ୍ୱତାପାୟନ ବୃଦ୍ଧି ପାଇଛି । ଏଥିପାଇଁ ରୋଗ ସଂଖ୍ୟା ମଧ୍ୟ ବୃଦ୍ଧି ପାଇଛି ।
ଏବେ ପାଣିପାଗ ପରିବର୍ତ୍ତନ ଯୋଗୁଁ ଫଙ୍ଗାଲ ଇନେଫକସନ୍ ବୃଦ୍ଧି ପାଉଛି । ଏଥିଯୋଗୁଁ ଚର୍ମରେ ଦାଗ, କୁଣ୍ଡିଆ ଲାଲ ପଡିବା ପରି ସମସ୍ୟା ବୃଦ୍ଧି ପାଇଛି । କେବେଳ ସେତିକି ନୁହେଁ ଏହି ଫଙ୍ଗସ୍ ବା ପରଜୀବୀଙ୍କ ଉପରେ ଅନେକ ଔଷଧ କାମ କରୁନାହିଁ । ଫଙ୍ଗସମାନଙ୍କର ଔଷଧ ପ୍ରତିରୋଧକ ଶକ୍ତି ବା ଡ୍ରଗ ରେଜିଷ୍ଟାନ୍ସ ବୃଦ୍ଧି ପାଇଛି । ଅନେକ ମହିଳା ବି ଏବେ ଫଙ୍ଗସ୍ ଇନଫେକସନ୍ର ଶିକାର ହେଉଛନ୍ତି । ବିଭିନ୍ନ ଆଣ୍ଟି ଫଙ୍ଗାଲ୍ ଔଷଧର ବ୍ୟବହାର କରାଯାଉଛି ।
ଏବେ ପାଣିପାଗ ପରିବର୍ତ୍ତନ ଯୋଗୁଁ ସାରା ବିଶ୍ୱରେ ଏହି ସମସ୍ୟା ମଧ୍ୟ ବୃଦ୍ଧି ପାଇବ ବୋଲି ବିଶେଷଜ୍ଞମାନେ ଆଶଙ୍କା କରୁଛନ୍ତି ।
