ଚୌଦ୍ୱାର : ଚୌଦ୍ୱାର ପୌରପାଳିକା ୧୯ନଂ ୱାର୍ଡ ହାଉସିଂବୋର୍ଡ ଠାରେ ସ୍ୱଚ୍ଛ ଓ ସ୍ୱାସ୍ଥ୍ୟ ସର୍ବେକ୍ଷଣ ଅଭିଯାନ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଏକ ସଚେତନତା ଅଭିଯାନ ତଥା ଶୋଭାଯାତ୍ରା ସ୍ଥାନୀୟ ଜଗନ୍ନାଥ ମନ୍ଦିରରୁ ଆରମ୍ଭ ହୋଇ କେଦାରେଶ୍ୱର, ଗୁଣ୍ଡିଚା ବିହାର, ଲେବରଟେନାମେଣ୍ଟ ଓ ଚାରବାଟିଆ ଅଞ୍ଚଳ ପରିକ୍ରମା କରି ସ୍ୱଚ୍ଛତା ଓ ସ୍ୱାସ୍ଥ୍ୟ ସଂପର୍କିତ ବିଭିନ୍ନ ସରକାରୀ ଘୋଷଣାନାମା ଉପରେ ପ୍ରଚାର ପତ୍ର ଘରଘର ବୁଲି ଲୋକମାନଙ୍କୁ ବଣ୍ଟନ କରାଯାଇଥିଲା । ଏଥିରେ ପୌର ଉପାଧ୍ୟକ୍ଷ ତଥା ସ୍ୱାସ୍ଥ୍ୟ ଓ ସ୍ୱଚ୍ଛ ସବ୍ କମିଟିର ଅଧ୍ୟକ୍ଷ ଶୁଭେନ୍ଦୁ ସାମଲ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଉଦଘାଟନ କରିବା ସହିତ ଲୋକମାନଙ୍କୁ ସଚେତନ କରାଇଥିଲେ । ୧୦ନଂ ୱାର୍ଡ କାଉନସିଲର ବିଜୟ କୁମାର ମଲ୍ଲିକ, ସ୍ୱଚ୍ଛ ସୁପରଭାଇଜର କାଜଲ ଭଟ୍ଟ, ସ୍ୱାସ୍ଥ୍ୟକର୍ମୀ ସସ୍ମିତା ମଲ୍ଲ, ପ୍ରମିଳା ମଲ୍ଲିକ, ସ୍ମୃତିଶ୍ରୀ ଜଗଦେବ, ସରିତା ରଥ, ମମତା ବେହେରା, ଦମୟନ୍ତୀ ମନ୍ତ୍ରୀ ପ୍ରମୁଖ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ମହିଳା ମହାସଂଘର ସଭାନେତ୍ରୀ ବୀଣାପାଣି ଦାସ, ଅର୍ଚ୍ଚନା ମହାନ୍ତି, ମମତା ଦାସ,ସୁରେଖା ସାହୁ, ଗୌରାଙ୍ଗ ଦାସ, ନରେନ୍ଦ୍ର ସ୍ୱାଇଁ ପ୍ରମୁଖ ଏଥିରେ ସହଯୋଗ କରିଥିଲେ। ବସ୍ତିବାସିନ୍ଦା ସଂଘ ସଭାପତି ରଞ୍ଜନ ବାରିକ୍ ଧନ୍ୟବାଦ ଅର୍ପଣ କରିଥିଲେ।
Comments are closed.