ସାହି ଇଦ୍ଗା-କୃଷ୍ଣ ଜନ୍ମଭୂମି ବିବାଦ, ସର୍ବୋଚ୍ଚ ନ୍ୟାୟାଳୟରେ ମାମଲା ଖାରଜ
![](https://samajalive.in/wp-content/uploads/2023/11/Supreme-Court-750x430.jpg)
ନୂଆଦିଲ୍ଲୀ: ସାହି ଇଦ୍ଗା-କୃଷ୍ଣ ଜନ୍ମଭୂମି ବିବାଦକୁ ନେଇ ଆଗତ ଏକ ଜନସ୍ବାର୍ଥ ମାମଲାକୁ ଖାରଜ କରି ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ। ମଥୁରାସ୍ଥିତ ସାହି ଇଦ୍ଗା-କୃଷ୍ଣ ଜନ୍ମଭୂମିର ପ୍ରତ୍ନତତ୍ତ୍ବ ବିଭାଗ ଦ୍ବାରା ସର୍ବେକ୍ଷଣ କରାଇବାକୁ ଆବେଦନ କରି ଏହି ଜନସ୍ବାର୍ଥ ମାମଲା ରୁଜୁ ହୋଇଥିଲା। ମାମଲାର ଶୁଣାଣି କରି ବିଚାରପତି ସଞ୍ଜୀବ ଖାନ୍ନା ଓ ଦୀପଙ୍କର ଦତ୍ତଙ୍କ ପୀଠ ଦର୍ଶାଇଥିଲେ ଏହି ମାମଲାକୁ େନଇ ଏକାଧିକ ଦିୱାନୀ ମାମଲା ବିଭିନ୍ନ ଅଦାଲତରେ ବିଚାରାଧୀନ ଥିବାରୁ ଜନସ୍ବାର୍ଥ ମାମଲାର ବିଚାର କରାଯିବା ଠିକ୍ ହେବ ନାହିଁ। ସାହି ଇଦ୍ଗା-କୃଷ୍ଣ ଜନ୍ମଭୂମି ବିବାଦ ଦେଇ ଏକ ମାମଲା ଆହ୍ଲାବାଦ ଉଚ୍ଚ ନ୍ୟାୟାଳୟରେ ବିଚାରାଧୀନ ରହିଛି। ତେଣୁ ଏଥିରେ ହସ୍ତକ୍ଷେପ କରିବାକୁ ସର୍ବୋଚ୍ଚ ନ୍ୟାୟାଳୟ ଚାହାନ୍ତି ନାହିଁ।
ଆବେଦନକାରୀଙ୍କ ତରଫରୁ ମାମଲା ପରିଚାଳନା କରୁଥିବା ଆଇନଜୀବୀ ମହେକ ମାହେଶ୍ବରୀ ପୀଠ ସମ୍ମୁଖରେ ଯୁକ୍ତି ଉପସ୍ଥାପନ କରି ଦର୍ଶାଇଥିଲେ ଏହି ଜନସ୍ବାର୍ଥ ମାମଲାରେ ପୂଜାସ୍ଥଳ ଆଇନର ବୈଧତାକୁ ନେଇ ପ୍ରଶ୍ନ ଉଠାଯାଇଛି। ଏ ନେଇ ପୀଠ ଦର୍ଶାଇଥିଲେ ପୂଜାସ୍ଥଳ ଆଇନର ବୈଧତାକୁ ନେଇ ଆବେଦନକାରୀ ଅନ୍ୟ ନ୍ୟାୟାଳୟରେ ମାମଲା ରୁଜୁ କରିପାରିବେ।
Comments are closed.