ଟେଲିଭିଜନ ଦୁନିଆର ଲୋକପ୍ରିୟ ଧାରବାହିକ ‘ଶକ୍ତି’ର କିନ୍ନର ବୋହୂ ସୌମ୍ୟା ଓରଫ ରୁବିନା ଦିଲେକ୍ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ରୁବିନା ନିଜର ଷ୍ଟାଇଲିସ ଅଭିନେତା ଓ ଫଟୋଗ୍ରାଫର ବୟଫ୍ରେଣ୍ଡ ଅଭିନବ ଶୁକ୍ଳାଙ୍କୁ ୨୧ ଜୁନ୍ ରେ ବିବାହ କରିଛନ୍ତି । ରୁବିନା-ଅଭିନବଙ୍କ ବିବାହ ହିମାଚଳପ୍ରଦେଶ ରୁବିନାଙ୍କ ନିଜ ସହର ସିମଲାରେ ଅନୁଷ୍ଠିତ ହୋଇଛି । ଉଭୟଙ୍କ ପରିବାରବର୍ଗ ଓ ପ୍ରିୟଜନଙ୍କ ଉପସ୍ଥିତିରେ ପଞ୍ଜାବ ଓ ହିମାଚଳପ୍ରଦେଶର ରୀତି ଓ ପରମ୍ପରା ଅନୁଯାୟୀ ସେମାନଙ୍କ ବିବାହ ସମ୍ପନ୍ନ ହୋଇଛି । ବିବାହ ପରେ ସେମାନେ ଅଭିନବଙ୍କ ହୋମ ଟାଉନ୍ ଲୁଧିୟାନା ଯିବେ ବୋଲି ଜଣାପଡିଛି । ଏହା ପରେ ଜୁନ୍ ୨୮ ମୁମ୍ବାଇରେ ଗ୍ରାଣ୍ଡ ୱେଡିଂ ରିସେପସନ୍ ପାର୍ଟିର ଆୟୋଜନ ହୋଇଥିବା ସୂଚନା ରହିଛି।
ଏହି ବିବାହ ଉତ୍ସବ ଗଣମାଧ୍ୟମଠାରୁ ସମ୍ପୂର୍ଣ୍ଣ ଦୂରରେ ରଖିବାକୁ ଚେଷ୍ଟା କରାଯାଇଥିଲେ ମଧ୍ୟ ଏହାର କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ରୁବିନା ହାଲକା ଧଳା ରଙ୍ଗ ଲେହେଙ୍ଗା ପିନ୍ଧିଥିବା ବେଳେ ଅଭିନବ ଶୁକ୍ଳା ଆକାଶୀ ରଙ୍ଗ ସେରୱାନିରେ ନଜର ଆସିଛନ୍ତି । ରୁବିନା ବିବାହ ମଣ୍ଡପରେ ପ୍ରବେଶ କରିବା ବେଳେ ଡ୍ୟାନ୍ସ କରୁଥିବା ଭିଡିଓରେ ନଜର ଆସିଛନ୍ତି। ତାଙ୍କର ଏହି ଠୁମକାର ଭିଡିଓ ଭାଇରାଲ ହେବାର ଲାଗିଛି । ଯାହାକୁ ବହୁତ କମ୍ ସମୟରେ ଅନେକ ଦର୍ଶକ ଲାଇକ୍ କରିଛନ୍ତି । ୨୦୧୫ରୁ ଉଭୟ ପରସ୍ପରକୁ ଡେଟ୍ କରୁଥିବା ଜଣାପଡିଛି ।
