ଡେସ୍କ: ଓଡିଶାର ପୂର୍ବତନ ରାଜ୍ୟପାଳ ରଘୁବର ଦାସ ଆଜି ଦେଇଥିବା ମନ୍ତବ୍ୟ ପ୍ରକାରାନ୍ତରେ ତାଙ୍କ ନିଜ କାର୍ଯ୍ୟକଳାପ ପ୍ରତି ଆଙ୍ଗୁଳି ନିର୍ଦ୍ଦେଶ କରୁଛି। ଅଚାନକ ରାଜ୍ୟପାଳ ପଦବୀରୁ ଇସ୍ତଫା ଦେବା ବିଷୟରେ ମୁହଁ ଖୋଲି ନାହାନ୍ତି ରଘୁବର। ଇସ୍ତଫା ପରେ ବିଜେପିରେ ମିଶିବା ପରେ ସେ କହିଛନ୍ତି ଯେ ରାଜ୍ୟପାଳ ପଦବୀ ଲାଟ ସାହାବ ପଦ ନୁହେଁ। ସେ କାଳେ ଓଡ଼ିଶାରେ ଏହି ଚିନ୍ତାଧାରାକୁ ବଦଳାଇ ଦେଇଛନ୍ତି ବୋଲି କହିଛନ୍ତି। ୩୦ଟି ଜିଲ୍ଲା ବୁଲି ସେ ଲୋକଙ୍କ କଥା ବୁଝିଛନ୍ତି ବୋଲି ମଧ୍ୟ କହିଛନ୍ତି।
ଯଦି ପୂର୍ବତନ ରାଜ୍ୟପାଳ ରଘୁବର ଦାସ ଲାଟ ସାହାବ ନ ଥିଲେ ଓ ସାଧାରଣ ଲୋକ ଥିଲେ ତାହେଲେ ପୁରୀରେ ରାଜ୍ୟ ସରକାରଙ୍କ ଜଣେ କର୍ମଚାରୀ ଉପରେ ତାଙ୍କ ପୁଅ କରିଥିବା ମରଣାନ୍ତକ ଆକ୍ରମଣ ମାମଲାରେ ସେ ନିଜ ପୁଅକୁ ପୁଲିସ ନିକଟରେ ଆତ୍ମ ସମର୍ପଣ କରିବାକୁ କହିଥାନ୍ତେ କିମ୍ବା ପୁଲିସକୁ ଗିରଫ କରିବା ନିମନ୍ତେ କହିପାରିଥାନ୍ତେ। କିନ୍ତୁ ଓଲଟା ରାଜ୍ୟପାଳ ପଦବୀର ଅପବ୍ୟବହାର କରି ସମ୍ପୃକ୍ତ ମାଡ ଖାଇଥିବା କର୍ମଚାରୀଙ୍କୁ ଅନ୍ୟତ୍ର ବଦଳି କରିଥିଲେ ଓ ନିଜ ପୁଅକୁ ସୁରକ୍ଷା ଦେଇଥିଲେ।
ରାଜ୍ୟପାଳ ଭାବେ ଯୋଗ ଦେବା ପରେ ରଘୁବର ଦାସ ବିଭିନ୍ନ ଜିଲ୍ଲା ବୁଲିବା ସହ ଦଳୀୟ ରାଜନୈତିକ ଏଜେଣ୍ଡା ଚଳାଉଥିଲେ ବୋଲି ମଧ୍ୟ ବିଜେଡି ଅଭିଯୋଗ କରିଥିଲା।
Comments are closed.