ନୂଆଦିଲ୍ଲୀ : ଦିଲ୍ଲୀ ଓ ଏନ୍ସିଆରରେ ପ୍ରବଳ ଶୀତ ଯୋଗୁଁ ଘନ କୁହୁଡି ଦେଖିବାକୁ ମିଳୁଛି। ଶନିବାର ସକାଳେ ସମଗ୍ର ଦିଲ୍ଲୀ ସହର କୁହୁଡିରେ ଆଚ୍ଛାଦିତ ହୋଇପଡିଥିବାବେଳେ ସର୍ବନିମ୍ନ ଦୃଶ୍ୟମାନ ଦୂରତା ୫ ଫୁଟ ରହିଥିବା କୁହାଯାଇଛି। ଏଥିଯୋଗୁଁ ବିମାନ ଓ ଟ୍ରେନ ସେବା ବାଧାପ୍ରାପ୍ତ ହୋଇଛି। ବିଭିନ୍ନ ଘରୋଇ ଓ ଆନ୍ତର୍ଜାତିକ ଏୟାରଲାଇନ୍ସ ବିମାନ ଚଳାଚଳରେ ବାଧା ଉପୁଜିଛି। ଶନିବାର ସକାଳେ ପ୍ରାୟ ଘଣ୍ଟାଏ ଧରି ଏକାଧିକ ବିମାନର ଉଡାଣ ଓ ଅବତରଣ ପ୍ରକ୍ରିୟାରେ ବିଳମ୍ବ ଘଟିଛି। ଦିଲ୍ଲୀରୁ ବାହାରୁଥିବା ଏବଂ ଦିଲ୍ଲୀରେ ପହଞ୍ଚୁଥିବା ୪୫ଟି ଟ୍ରେନ୍ର ସମୟ ନିର୍ଘଣ୍ଟରେ ମଧ୍ୟ ବିଳମ୍ବ ଘଟିଛି। କୁହୁଡି ଯୋଗୁଁ ଦିଲ୍ଲୀ ଆକାଶରେ ପୁଣି ପ୍ରଦୂଷଣ ମାତ୍ରା ବୃଦ୍ଧି ପାଇଥିବା ଜଣାପଡିଛି। ଶୁକ୍ରବାର ଦିଲ୍ଲୀର ଏକ୍ୟୁଆଇ (ବାୟୁ ମାନକ ସୂଚକାଙ୍କ) ୪୦୦ ଅତିକ୍ରମ କରିଥିବାବେଳେ ଶନିବାର ସ୍ଥିତିରେ ସାମାନ୍ୟ ସୁଧାର ଘଟିଛି।
Comments are closed.