ସାକ୍ଷୀଗୋପାଳ : ସତ୍ୟବାଦୀ ଥାନା ଅନ୍ତର୍ଗତ ସାକ୍ଷୀଗୋପାଳ ଅଳଗୁମ ରାସ୍ତାର ବନ ପୁର ଛକ ନିକଟରେ ଏକ କାର ସିରିଜ ଦୁର୍ଘଟଣା ଘଟାଇବାରୁ ୨ଟି ବାଇକ କ୍ଷତିଗ୍ରସ୍ତ ହୋଇଛି। ଏହି ଦୁର୍ଘଟଣାରେ ୩ ଜଣ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡ଼ିଛି।
ସାକ୍ଷୀଗୋପାଳରୁ ଅଳଗୁମ ଅଭିମୁଖେ ଦ୍ରୁତ ଗତିରେ ଯାଉଥିବା ଏକ କାର ସାକ୍ଷୀଗୋପାଳ ଅଭିମୁଖେ ଆସୁଥିବା ଦୁଇଟି ବାଇକକୁ ପର୍ଯ୍ୟାୟ କ୍ରମେ ଧକ୍କା ଦେଇଥିଲା। ଏହି ଦୁର୍ଘଟଣାରେ ଏକ ବାଇକ ଆରୋହୀ ସ୍ଥାନୀୟ ବାର ଘରିଆ ସାହିର ଆରୋହୀ ସୁଦର୍ଶନ ପ୍ରଧାନ, ସିଂହାକୁଦା ଗ୍ରାମର ଗୌରାଙ୍ଗ ପ୍ରଧାନ ଓ ସଂପୂର୍ଣ୍ଣା ପ୍ରଧାନ ରାସ୍ତା ଉପରକୁ ଛିଟିକି ପଡି ଗୁରୁତର ଆହତ ହୋଇଥିଲେ। ସ୍ଥାନୀୟ ଜନସାଧାରଣ ଆହତ ୩ ଜଣଙ୍କୁ ଚିକିତ୍ସା ନିମନ୍ତେ ସାକ୍ଷୀଗୋପାଳ ଡାକ୍ତରଖାନାରେ ଭର୍ତ୍ତି କରିଥିଲେ। ଗୁରୁତର ଆହତ ସୁଦର୍ଶନ ପ୍ରଧାନଙ୍କୁ ଅଧିକ ଚିକିତ୍ସା ନିମନ୍ତେ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସତ୍ୟବାଦୀ ପୋଲିସ ଦୁର୍ଘଟଣାଗ୍ରସ୍ତ ଯାନ ୩ଟି ଜବତ କରି ଏକ ମାମଲା ରୁଜୁ ସହ ତଦନ୍ତ ଆରମ୍ଭ କରିଛି।
Comments are closed.