ଚୌଦ୍ୱାର : ଚୌଦ୍ୱାର ରୋଟାରୀ କ୍ଲବର ଅଧିଷ୍ଠାନ ଉତ୍ସବ ଅନୁଷ୍ଠିତ ହୋଇ ଯାଇଛି । କ୍ଲବ୍ ସଭାପତି କ୍ଷିତିନ୍ଦ୍ରନାଥ କାନୁନଗୋଙ୍କ ପୌରୋହିତ୍ୟରେ ସାଇ ବିହାରସ୍ଥିତ ରୋଟାରୀ ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାକ୍ତନ ଜିଲା ଗଭର୍ଣ୍ଣର ଅଶ୍ୱିନୀ କୁମାର କର, ଶିକ୍ଷାବିତ୍ ଡ. ସୁରେନ୍ଦ୍ର ମୋହନ ମିଶ୍ର, ରୋଟାରିଆନ୍ ସୌମ୍ୟ ମିଶ୍ର, ବିଶ୍ୱଜିତ ସେନାପତି ପ୍ରମୁଖ ଅତିଥି ଭାବେ ଯୋଗଦେଇ ରୋଟାରୀ କ୍ଲବର ବିଭିନ୍ନ ଜନହିତକର କାର୍ଯ୍ୟ ସମ୍ପର୍କରେ ଆଲୋଚନା କରି ଏହାର କାର୍ଯ୍ୟାବଳୀକୁ ପ୍ରଶଂସା କରିଥିଲେ। ଏହି ଅବସରରେ କ୍ଲବର ନୂତନ ସଭାପତି ଜୟଶ୍ରୀ ମହାନ୍ତି, ସମ୍ପାଦକ ଜୟଶ୍ରୀ ଦାସ ଓ ଅନ୍ୟାନ୍ୟ କର୍ମକର୍ତ୍ତାମାନଙ୍କୁ ମୁଖ୍ୟ ଅତିଥି ଶ୍ରୀ କର ଅଧିଷ୍ଠିତ କରାଇ ଥିଲେ । କ୍ଲବର ମୁଖପତ୍ର ‘ଜାଗୃତି’କୁ ଅତିଥି ମାନେ ଉନ୍ମୋଚନ କରିଥିଲେ । ଡା. ଶ୍ରବଣୀ ବନ୍ଦୋପାଧ୍ୟାୟ ସ୍ୱାଗତ ଭାଷଣ ପ୍ରଦାନ କରିଥିଲେ । ଶରତ କୁମାର ଖୁଣ୍ଟିଆ, ଡା. ଅମିତ୍ କୁମାର ପୃଷ୍ଟି, ପବିତ୍ର ମୋହନ ସାହୁ, ପ୍ରତାପ କୁମାର ଶତପଥୀ, ପବିତ୍ର ମୋହନ ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ରବିନ୍ଦ୍ର କୁମାର ସାହୁଙ୍କ ପରିଚାଳନାରେ ତଥା ରମାକାନ୍ତ ସାହୁଙ୍କ ତତ୍ୱାବଧାନରେ ଓଡ଼ିଶୀ ନୃତ୍ୟ ପରିବେଷଣ କରାଯାଇଥିଲା ।
Comments are closed.