ଡେସ୍କ: ମିଳିତ ଆୱାମୀ ଆକ୍ସନ କମିଟିର ମିରପୁର ଶାଖାର ପ୍ରମୁଖ ନେତା ଆରିଫ ଚୌଧୁରୀ ମଙ୍ଗଳବାର ମିରପୁର ପ୍ରେସ କ୍ଲବରେ ଏକ ସାମ୍ବାଦିକ ସମ୍ମିଳନୀ କରି ପାକ୍ ଅଧିକୃତ କଶ୍ମୀରବାସୀଙ୍କ ପ୍ରତି ପାକିସ୍ତାନ ପ୍ରଶାସନର ଅବହେଳାକୁ ସମାଲୋଚନା କରିଛନ୍ତି।
ଶ୍ରୀ ଚୌଧୁରୀ ପିଓକେ ବାସିନ୍ଦାଙ୍କ ପାଇଁ ପ୍ରତିଶ୍ରୁତି ଦିଆଯାଇଥିବା ଅଧିକାର ଏବଂ ଆବଶ୍ୟକତା ପୂରଣ ନହେବା ଉପରେ ଗୁରୁତ୍ୱାରୋପ କରିବା ସହ ପାକିସ୍ତାନର ହିତ ପାଇଁ ମୀରପୁରର ବାରମ୍ବାର ବଳିଦାନ ଉପରେ ଆଲୋକପାତ କରିଥିଲେ। ସେ କହିଛନ୍ତି, ଆଜି ବି ସେହି ବିନାଶ ଜାରି ରହିଛି। ସମ୍ମିଳନୀରେ ଆରିଫ ଚୌଧୁରୀ କହିଛନ୍ତି ଯେ ପିଓକେ ସାମ୍ବିଧାନିକ ଭାବେ ପାକିସ୍ତାନର ଅଂଶ ନୁହେଁ।
କୋଲେଷ୍ଟେରୋଲ୍ ପାଇଁ ଚିନ୍ତିତ କି? ସକାଳେ ଖାଲି ପେଟରେ ଖାଆନ୍ତୁ ଏହି ୨ଟି ଜିନିଷ..
ପାକିସ୍ତାନର ସମ୍ବିଧାନ ବିଷୟରେ ଚୌଧୁରୀ କହିଛନ୍ତି, ପାକିସ୍ତାନ ସମ୍ବିଧାନର ଧାରା ୨୫୭ ଅନୁଯାୟୀ ପିଓକେ ପାକିସ୍ତାନର ଅଂଶ ନୁହେଁ। ୧୯୪୦ ଦଶକର ଶେଷ ଭାଗରେ ଭାରତ ଓ ପାକିସ୍ତାନ ମଧ୍ୟରେ ପାରସ୍ପରିକ ବୁଝାମଣା ଆଧାରରେ ମିଳିତ ଜାତିସଂଘର ଏକ ସଂକଳ୍ପରେ ଏହାର ମାନ୍ୟତା ଘୋଷଣା କରାଯାଇଥିଲା। ସେତେବେଳେ ପିଓକେବାସୀଙ୍କୁ ୨୬ଟି ସାମଗ୍ରୀ ଯୋଗାଇ ଦିଆଯିବ ବୋଲି ନିଷ୍ପତ୍ତି ହୋଇଥିଲା। ତେଣୁ ଜାତିସଂଘରେ ଚୁକ୍ତି ସ୍ୱାକ୍ଷର କରିଥିବାରୁ ପାକିସ୍ତାନ ଆମ ଲୋକଙ୍କ ପ୍ରତି ନିଜର ଭୂମିକା ପୂରଣ କରିବାକୁ ବାଧ୍ୟ।
Comments are closed.