ନୂଆଦିଲ୍ଲୀ : ଭାରତରେ ୫୬.୪ ପ୍ରତିଶତ ରୋଗ ଅସ୍ୱାସ୍ଥ୍ୟକର ଖାଦ୍ୟ କାରଣରୁ ହୋଇଥାଏ। ଆଇସିଏମଆର ନିଜ ରିପୋର୍ଟରେ ଏହି ତଥ୍ୟ ସାମ୍ନାକୁ ଆଣିଛି। ରିପୋର୍ଟରେ କୁହାଯାଇଛି, ସ୍ୱାସ୍ଥ୍ୟକର ରହିବା ପାଇଁ ଜଣେ ବ୍ୟକ୍ତିଙ୍କୁ ଗୋଟିଏ ଦିନରେ ୧,୨୦୦ ଗ୍ରାମ ଭୋଜନ ଆବଶ୍ୟକ। ଯାଦ୍ୱାରା ଜଣେ ବ୍ୟକ୍ତିଙ୍କୁ ୨,୦୦୦ କ୍ୟାଲୋରୀ ପ୍ରାପ୍ତ ହୋଇପାରିବ। ଥାଳିରେ ୧୦୦ ଗ୍ରାମ ଫଳ, ୪୦୦ ଗ୍ରାମ ସବୁଜ ପନିପରିବା, ୩୦୦ ମିଲି କ୍ଷୀର କିମ୍ବା ଦହି, ୮୫ ଗ୍ରାମ ଡାଲି କିମ୍ବା ଅଣ୍ଡା, ୩୫ ଗ୍ରାମ ଡ୍ରାଏଫ୍ରୁଟ୍ସ ଓ ୨୫୦ ଗ୍ରାମ ଭାତ ସେବନ କରିବାକୁ ପଡିବ।
ସାରା ଦିନରେ ୨୭ ଗ୍ରାମରୁ ଅଧିକ ଚିକ୍କଣ ଜିନିଷ କିମ୍ବା ତେଲ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ। ମାଂସହାରୀ ଭୋଜନରେ ସାରା ଦିନରେ ଅଧିକରୁ ଅଧିକ ୭୦ ଗ୍ରାମ୍ ଚିକେନ କିମ୍ବା ମାଂସ ଯଥେଷ୍ଟ। ବୁଧବାର ଆଇସିଏମଆର ୧୭ ଆହାର ପାଇଁ ନିର୍ଦ୍ଦେଶ ଜାରି କରିଛି।
ଅକ୍ଷୟ ତୃତୀୟା : ବାସ୍ ଏହି ୫ଟଙ୍କିଆ ଜିନିଷ କିଣି ଆଣନ୍ତୁ, ଧନ ପାଇଁ ଆଉ ଚିନ୍ତା ରହିବ ନାହିଁ..
ଆଇସିଏମଆର ଅନୁଯାୟୀ, ପୋଷକ ତତ୍ତ୍ୱରେ ଭରପୁର ଭୋଜନ ଗ୍ରହଣ କରିବା ଦ୍ୱାରା ୮୦ ପ୍ରତିଶତ ପର୍ଯ୍ୟନ୍ତ ମଧୁମେହ, ରକ୍ତଚାପ ହୃଦୟଜନିତ ରୋଗ ସହ ଅନ୍ୟ ମାରାତ୍ମକ ରୋଗ ହେବାର ସମ୍ଭାବନାକୁ କମ୍ କରିଥାଏ।
୬ ରୁ ୮ ମାସର ଶିଶୁ ପାଇଁ ସାରା ଦିନରେ ୬୫୦ କ୍ୟାଲୋରୀ ଆବଶ୍ୟକ। ମାଆ କ୍ଷୀର ସେବନ କରୁଥିବା ଶିଶୁଙ୍କୁ ୫୦୦ କ୍ୟାଲୋରୀ ମିଳିଥାଏ। ତେଣୁ ମାଆ କ୍ଷୀର ସହ ସକାଳେ ଓ ଖରାବେଳେ ଡାଲି, ଭାତ, ଖରାବେଳ ପରେ କଦଳୀ କିମ୍ବା ସିଝାଯାଇଥିବା ସେଓ ଓ ସନ୍ଧ୍ୟା ସମୟରେ ସାମାନ୍ୟ ଖେଚେଡି ଖୁଆଇ ପାରିବେ। ୯ ରୁ ୧୨ ମାସ ପର୍ଯ୍ୟନ୍ତ ପିଲାଙ୍କୁ ସାରା ଦିନରେ ୭୨୦ କ୍ୟାଲୋରୀ ଆବଶ୍ୟକ। ତେଣୁ ମାଆ କ୍ଷୀର ବ୍ୟତୀତ ଭାତ, ଡାଲି, ଖେଚେଡି, ଫଳର ସେବନ କରାନ୍ତୁ।
ଗର୍ଭବତୀ ମହିଳା ମାନେ ସକାଳ ୬ଟାରେ ୧୫୦ ଏମଏଲ କ୍ଷୀର ସେବନ କରିବା ଆବଶ୍ୟକ। ଯେଉଁଥିରେ ପ୍ରାୟ ୧୧୦ କ୍ୟାଲୋରୀ ପ୍ରାପ୍ତି ହୋଇଥାଏ। ସକାଳ ୮ଟାରେ ଜଳଖିଆ ଯେଉଁଥିରେ ଗହମ ଜାତୀୟ ଜିନିଷ (୬୦ ଗ୍ରାମ), ୭୫ ଗ୍ରାମ ପନିପରିବା, ୨୦ ଗ୍ରାମ ଡାଲି, ୨୦ ଗ୍ରାମ ଡ୍ରାଏଫ୍ରୁଟ୍ସ ଓ ୫ ଗ୍ରାମ ତେଲ ରହିବା ଆବଶ୍ୟକ। ଖରାବେଳ ଦିନ ୧ଟା ଭୋଜନରେ ଭାତ (୧୦୦ ଗ୍ରାମ), ଡାଲି (୩୦ ଗ୍ରାମ), ଦହି, ଫଳର ସେବନ କରିବା ଉଚିତ୍। ୪ଟା ସମୟରେ ଡ୍ରାଏଫ୍ରୁଟ୍ସ, ୫୦ ମିଲି କ୍ଷୀର ଯଥେଷ୍ଟ।
ରୋଲ୍ ଖାଇବା ପୂର୍ବରୁ ଥରେ ଭାବନ୍ତୁ; ଖରାପ ଚିକେନ୍ ପ୍ରସ୍ତୁତ ରୋଲ୍ ଖାଇ ୧୯ ବର୍ଷୀୟ ଯୁବକ ମୃତ, ଦୋକାନୀ ଗିରଫ..
Comments are closed.