ଟିଟିଲାଗଡ: ବଲାଙ୍ଗିର ଜିଲ୍ଲା ଟିଟିଲାଗଡ଼ ବିଧାନସଭା ନିର୍ବାଚନ ମଣ୍ଡଳୀରେ ଆଜି ସକାଳୁ ମତଦାନ ନେଇ ୩୦୯ଟି ବୁଥରେ ଲମ୍ବା ଲାଇନ ଦେଖିବାକୁ ମିଳିଛି। କିଛି ବୁଥରେ ଇଭିଏମରେ ତ୍ରୁଟି ନେଇ ସକାଳ ୭ଟା ବଦଳରେ ବିଳମ୍ବରେ ଭୋଟଦାନ ପ୍ରକ୍ରିୟା ଆରମ୍ଭ ହୋଇଛି । ବିଜେଡି ଦଳର ବଲାଙ୍ଗୀର ଲୋକସଭା ପ୍ରାର୍ଥୀ ସୁରେନ୍ଦ୍ର ସିଂଭୋଇ ଟିଟିଲାଗଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ ନିଜ ଗାଁ ସଇଁତଲାରେ ମତଦାନ କରିଛନ୍ତି । ସେହିପରି ବିଜେଡି ବିଧାୟକ ପ୍ରାର୍ଥୀ ଟୁକୁନି ସାହୁ, ବିଜେପି ପ୍ରାର୍ଥୀ ନବୀନ ଜୈନ କଂଗ୍ରେସ ପ୍ରାର୍ଥୀ ବୀରେନ୍ଦ୍ର ବାଗ ଟିଟିଲାଗଡ଼ ଠାରେ ମତଦାନ କରିଛନ୍ତି । ଅନ୍ୟପକ୍ଷରେ ମତଦାନ ପ୍ରକ୍ରିୟା ଧିମା ଚାଲିଥିଲା, ଅନେକ ସ୍ଥାନରେ ଉପଯୁକ୍ତ ସେଡ ବ୍ୟବସ୍ଥା ନଥିବା ନେଇ ଭୋଟର ପ୍ରଚଣ୍ଡ ଖରାରେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି ।
Comments are closed.