ଜି ଉଦୟଗିରି :୧୮ ଟିକିଆ ହାତୀପଲ ଘୁମୁସର ବନଖଣ୍ଡରୁ ଆସି କୁର୍ମିଙ୍ଗିଆ ଅଞ୍ଚଳରେ ଉପଦ୍ରବ କରିବା ପଞ୍ଚମ ଦିନରେ ପହଞ୍ଚିଛି । ଫଳରେ ଅଞ୍ଚଳବାସୀ ଭୟରେ ଥିବାବେଳେ ବନବିଭାଗ ତତ୍ପରତା ଦେଖାଇ ଡ୍ରୋନ କ୍ୟାମେରା ସାହାଯ୍ୟରେ ହାତୀପଲର ଗତିବିଧି ଅନୁଧ୍ୟାନ କରିବା ସହ ଅଞ୍ଚଳବାସୀଙ୍କୁ ଜଙ୍ଗଲକୁ ନ ଯିବା ନେଇ ଡ଼ାକବାଜି ଯନ୍ତ୍ର ଯୋଗେ ସଚେତନ କରିଛି । ବିଭାଗ ପକ୍ଷରୁ ବନପାଳ ରଶ୍ମିତା ବକ୍ସି, ବନରକ୍ଷୀ ବିଭୁ ରଞ୍ଜନ ସାମନ୍ତରାୟ ଓ ପାରା ଗାର୍ଡ ଘଟଣାସ୍ଥଳରେ ପହଞ୍ଚି ହାତୀପଲର ଗତିବିଧି ଅନୁଧ୍ୟାନ କରିଥିବା ବିଭାଗ ତତଫରୁ ସୂଚନା ମିଳିଛି।
ତେବ୧୮ ଟିକିଆ ହାତୀପଲ ମଧ୍ୟରେ ୩ଟି ଦନ୍ତା, ୧୦ଟି ମାଈ ହାତୀ, ୫ଟି ଛୁଆ ଥିବା ଜଣାପଡ଼ିଛି। ହାତୀପଲ ରାଇପଦା ସ୍ଥିତ ରାଧାମୋହନ ସାହୁଙ୍କ ବଗିଚାରେ ପଶି କଦଳୀ, ବାଉଁଶ , ଆମ୍ବ, ଆମୃତଭଣ୍ଡା ଆଦି ନଷ୍ଟ କରିଥିବା ଜଣାପଡିଛି । ସେହିପରି ବିକ୍ରମ ପ୍ରଧାନ, ହିରବତୀ ପ୍ରଧାନ, ଅମିୟ କୁମାର ପ୍ରଧାନ ଓ ଜଗୁ ସାହୁ ପ୍ରମୁଖଙ୍କ ସମେତ ଆଜି ଅନ୍ୟ ଚାଷୀଙ୍କ ଫସଲ ନଷ୍ଟ କରିଥିବା ଜଣାପଡିଛି।
