ବୌଦ୍ଧ : ବୌଦ୍ଧ ପୁଲିସ୍ କବଜାରେ ୧୪ ନାବାଳକ। ବୌଦ୍ଧ ଥାନା ଅନ୍ତର୍ଗତ ନୂଆପଡା ,କରଡି,ଖଜୁରିପଡା, ମଥୁରା ଆଖପାଖ ୫ ଖଣ୍ଡ ଗାଁରୁ ପୁଲିସ୍ ୧୪ ଜଣ ନାବାଳକଙ୍କୁ ଘରୁ ଉଠାଇ ଆଣିଛି । ମାତ୍ର ପରିବାର ଲୋକଙ୍କୁ ଜଣାନାହିଁ କେଉଁ କାରଣ ଯୋଗୁଁ ପୁଲିସ ପିଲାମାନଙ୍କୁ ଉଠାଇ ଆଣିଛି। ଘଟଣାକୁ ନେଇ ୫ ଖଣ୍ଡ ଗାଁ ଲୋକ ଜ଼ିଲ୍ଲା ଆରକ୍ଷୀ ଅଧୀକ୍ଷକଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ଯେ ପର୍ଯ୍ୟନ୍ତ ପିଲାମାନଙ୍କୁ ଛଡାନଯାଇଛି ସେ ପର୍ଯ୍ୟନ୍ତ ଧାରଣା ସ୍ଥଳରୁ ଉଠିବେ ନାହିଁ ବୋଲି ପରିବାର ଲୋକ ଚେତାବନୀ ଦେଇଛନ୍ତି । ସେପଟେ ଏକ ବସର କାଚ ଭଙ୍ଗା ରୁଜାକୁ ନେଇ ହୋଇଥିବା ମାମଲାରେ ସମସ୍ତଙ୍କୁ ଅଟକ ରଖାଯାଇଥିବା କହିଛନ୍ତି ବୋୖଦ୍ଧ ସଦର ଥାନା ଅଧିକାରୀ । ମାମଲାକୁ ନେଇ ପୁଲିସ୍ ଅଧିକ ତଦନ୍ତ ଜାରି ରଖିଛି।
Comments are closed.