ପାଟଣା: ନିର୍ବାଚନ ସମୟରେ ମଧ୍ୟ ଦାଦନ ଦୁଃଖ କମିବାର ନା ଧରୁନାହିଁ । ଅଞ୍ଚଳରେ କାମ ଧନ୍ଦା ମିଳୁ ନ ଥିବାରୁ ବାଧ୍ୟ ହୋଇ ସାହାରପଡା ବ୍ଲକ ଅଞ୍ଚଳରୁ ଦଳ ଦଳ ହୋଇ ଶ୍ରମଜୀବୀମାନେ ବିଭିନ୍ନ ପ୍ରମୁଖ ସ୍ଥାନକୁ କର୍ମ ଅନ୍ୱେଷଣରେ ଯାଉଥିବା ଦେଖାଯାଉଛି । ମନରେଗା ଯୋଜନାରେ କାମ ନ ମିଳିବା ସହ ଅଞ୍ଚଳରେ କୌଣସି କଳକାରଖାନା ନଥିବାରୁ ଯୁବକମାନେ ବାଧ୍ୟ ହୋଇ ବାହାରକୁ ଯାଉଥିବା ଜଣାପଡିଛି। ଗୁରୁବାର ସାହାରପଡା ବ୍ଲକ ଅନ୍ତର୍ଗତ ବଡ଼ବିଲ ଛକରୁ ସକାଳ ସାଢେ ୮ ଟା ସମୟରେ ଅନ୍ୟୁନ ୧୦ ଜଣ ଯୁବକ ଏକ ଘରୋଇ ବସ୍ରେ ଭୁବନେଶ୍ୱର ଯାଇଛନ୍ତି। ସେମାନଙ୍କୁ ପଚାରିବାରୁ ସମସ୍ତେ କାମ ପାଇଁ ବାଙ୍ଗାଲୋର ଯିବେ ବୋଲି କହିଛନ୍ତି। ଏହି ଯୁବକମାନେ ବାରତଣିଆ, ହରିହରପୁର ଓ ମେଦିନିପୁର ଗ୍ରାମର ବୋଲି ଜଣାପଡିଛି।
Popular Categories
Previous article
Next article