ଫୁଲବାଣୀ :କନ୍ଧମାଳ ଜିଲା ଫିରିଙ୍ଗିଆ ପୁଲିସ ପାଟ୍ରୋଲିଙ୍ଗ ସମୟରେ ୫୦ କେଜି ୪୦୦ ଗ୍ରାମ ଗଞ୍ଜେଇ ସହ ଗୋଟିଏ ଅଟୋ ଜବତ କରିଛନ୍ତି। ଗଞ୍ଜେଇ ଚାଲାଣ ଅଭିଯୋଗରେ ଫିରିଙ୍ଗିଆ ପୁଲିସ ପକ୍ଷରୁ ଜଣେ ଯୁବକ ଓ ଜଣେ ମହିଳାକୁ ଗିରଫ କରାଯାଇଛି।
ସୂଚନା ଅନୁସାରେ ପୁଲିସ ପାଟ୍ରୋଲିଙ୍ଗ କରୁଥିବା ସମୟରେ ଫିରିଙ୍ଗିଆ ଥାନା ଅନ୍ତର୍ଗତ ଡିଣ୍ଡିରାଗାଁ ଆଦର୍ଶ ବିଦ୍ୟାଳୟ ନିକଟରୁ ଗୋଟିଏ ଅଟୋ ସହ ଗଞ୍ଜେଇ ଚାଲାଣ କରୁଥିବା ଜଣେ ବ୍ୟକ୍ତି ଓ ଜଣେ ମହିଳାକୁ କାବୁ କରିଥିଲା। ଗଞ୍ଜେଇ ଓଜନ ପରେ ୫୦ କେଜି ୪୦୦ ଗ୍ରାମ ଗଞ୍ଜେଇ ହୋଇଥିଲା। କନ୍ଧମାଳ ଜିଲା ସଦର ଥାନା ଅନ୍ତର୍ଗତ ବଇଡା ଗ୍ରାମର ସୁବଳ କହଁର ଓ ଫିରିଙ୍ଗିଆ ଥାନା ଅନ୍ତର୍ଗତ ଡିମିରି ଗୁଡା ଗ୍ରାମର ସୁପ୍ରିୟା ଦିଗାଲଙ୍କୁ ପୁଲିସ ଗିରଫ କରିଛି ବୋଲି ଫିରିଙ୍ଗିଆ ଥାନା ପକ୍ଷରୁ ସୂଚନା ଦିଆଯଇଛି। ଏହି ଘଟଣାରେ ଫିରିଙ୍ଗିଆ ଥାନାରେ ଗଞ୍ଜେଇ ଚାଲାଣ ସମ୍ପର୍କିତ ଏକ ମାମଲା ୧୭୦/୨୦୨୩ରେ ରୁଜୁ ସହ ଅଧିକ ତଦନ୍ତ ଚାଲୁ ରହିଛି ବୋଲି ଫିରିଙ୍ଗିଆ ଥାନା ଅଧିକାରୀ ରମେଶ କୁମାର ପ୍ରଧାନ ସୂଚନା ଦେଇଛନ୍ତି।
Comments are closed.