ନୂଆଦିଲ୍ଲୀ : ପୂର୍ବଭଳି ବାଣିଜ୍ୟିକ ପୈଠକୁ ବଜାୟ ରଖିବା ପାଇଁ ଆର୍ଥିକ ସେବା କମ୍ପାନୀ ପେଟିଏମ୍ ନିଜ ନୋଡାଲ ଖାତାକୁ ଆକ୍ସିସ ବ୍ୟାଙ୍କକୁ ସ୍ଥାନାନ୍ତର କରିବା ନେଇ ଘୋଷଣା କରିଛି । ପୂର୍ବରୁ ଏହି କାମ ପେଟିଏମ୍ ପେମେଣ୍ଟ ବ୍ୟାଙ୍କ ଲିମିଟେଡ୍ ସହିତ କରାଯାଉଥିଲା । କମ୍ପାନୀ ସୂଚନା ଦେଇ କହିଛି କି ବାଣିଜ୍ୟିକ କାରବାରକୁ ଜାରି ରଖିବା ପାଇଁ କମ୍ପାନୀ ଆକ୍ସିସ ବ୍ୟାଙ୍କ ସହିତ ଏକ ଏସ୍କ୍ରୋ ଆକାଉଣ୍ଟ ଖୋଲି ନିଜ ନୋଡାଲ ଆକାଉଣ୍ଟକୁ ଆକ୍ସିସ୍ ବ୍ୟାଙ୍କରେ ସିଫ୍ଟ କରିଦେଇଛି । ରିଜର୍ଭ ବ୍ୟାଙ୍କ ଓ୍ବନ୍ ୯୭ କମ୍ୟୁନିକେସନ ଲିମିଟେଡ୍(ଓସିଏଲ୍) ଏବଂ ପେଟିଏମ ପେମେଣ୍ଟ ସର୍ଭିସେଜ୍ ଲିମିଟେଡର ନୋଡାଲ ଆକାଉଣ୍ଟକୁ ସମାପ୍ତ କରିବା ପାଇଁ ନିର୍ଦ୍ଦେଶ ଦେବା ପରେ କମ୍ପାନୀ ଏମିତି ନିଷ୍ପତ୍ତି ନେଇଛି ।
କମ୍ପାନୀ ସୂଚନା ଅନୁସାରେ ସେ ଦେଶର ଆର୍ଥିକ ସମାବେଶନ ଯାତ୍ରାରେ ଗୁରୁତ୍ବପୂର୍ଣ୍ଣ ଯୋଗଦାନ ଦେଇ ଭାରତୀୟଙ୍କୁ ସଶକ୍ତ କରିବା ପାଇଁ ପ୍ରୟାସ ଜାରି ରଖିବ । କହିରଖୁଛୁ ନୋଡାଲ ଆକାଉଣ୍ଟ ଏକ ସ୍ବତନ୍ତ୍ର ଆକାଉଣ୍ଟ ଯାହା ଭାଗ ନେଉଥିବା ବ୍ୟାଙ୍କରୁ ଧନ ପ୍ରାପ୍ତ କରିବା ଏବଂ ନିର୍ଦ୍ଧାରିତ ବ୍ୟବସାୟୀଙ୍କୁ ପଠାଇବା ପାଇଁ ପ୍ରସ୍ତୁତ କରାଯାଇଛି । ଏହା ରିଜର୍ଭ ବ୍ୟାଙ୍କର ନିର୍ଦ୍ଦେଶାବଳୀ ଅନୁସାରେ ପ୍ରସ୍ତୁତ ହୋଇଥାଏ ଏବଂ ଏହା ବୈଧ । ପେଟିଏମର ୩୦ କୋଟି ଉପଭୋକ୍ତା ଅଛନ୍ତି । ସେମାନଙ୍କ ମଧ୍ୟରୁ ୧୧ କୋଟି ମାସିକ ନେଣଦେଣ କରୁଥିବା ଉପଭୋକ୍ତା । ତନ୍ମଧ୍ୟରୁ ପ୍ରାୟ ୧ କୋଟି ଗ୍ରାହକ ବ୍ୟାପାରୀ ଏବଂ ସେମାନେ ନିଜ ବ୍ୟବସାୟର ପୈଠ ଗ୍ରହଣ କରିବା ପାଇଁ ପେଟିଏମ୍ ବ୍ୟହବହାର କରନ୍ତି । ସେମାନଙ୍କ ସୁବିଧାକୁ ନଜରରେ ରଖି ପେଟିଏମ୍ ଏଭଳି ନିଷ୍ପତ୍ତି ନେଇଛି ।
Comments are closed.