ଅଲିଭ ରିଡଲେ ଛୁଆ ବୁଲି ଦେଖିଲେ ରାଜ୍ୟପାଳ

ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତର ଋଷିକୁଲ୍ୟା ମୁହାଁଣ ବେଳାଭୂମି ଅଂଚଳରେ ବର୍ତ୍ତମାନ ଅଲିଭ ରିଡଲ ସାମୁଦ୍ରିକ କଇଁଛ ମାନଙ୍କ ଅଣ୍ଡାରୁ ଛୁଆ ବାହାରି ସ୍ୱତଃ ପ୍ରବୃତ ଭାବେ ସମୁଦ୍ରମୁହାଁ ହେଉଛନ୍ତି । ଏହି ବିରଳ ଦୃଶ୍ୟ ଦେଖିବାକୁ ପାଇଁ ପୋଡ଼ମପେଟା ନିକଟରେ ଓଡିଶାର ମାନ୍ୟବର ରାଜ୍ୟପାଳ ହରିବାବୁ କମ୍ଭୁ ପତି ପରିଦର୍ଶନରେ ରବିବାର ଦିନ ଆସି ସାମୁଦ୍ରିକ କଇଁଛ ଅଲିଭ ରିଡଲେ ଛୁଆ ମାନଙ୍କୁ ବୁଲି ଦେଖିଥିଲେ । ରାଜ୍ୟପାଳଙ୍କ ଏହି ପରିଦର୍ଶନ ସମୟରେ ବ୍ରହ୍ମପୁର ବନଖଣ୍ଡ ଅଧିକାରୀ ସନି ଖୋଖରଙ୍କୁ ଅଲିଭ ରିଡଲେ ସାମୁଦ୍ରିକ କଇଁଛ ସମ୍ପର୍କରେ ପଚାରି ବୁଝିଥିଲେ । ଜିଲ୍ଲାପାଳ ଦିବ୍ୟଜ୍ୟୋତି ପରିଡା, ବ୍ରହ୍ମପୁର ଏସ ପି ଡ଼ଃ ଶ୍ରବଣା ବିବେକ ଏମ, ପି ଡ଼ି ମଧୁମିତା,ବିଡ଼ିଓ ଅଚ୍ୟୁତାନନ୍ଦ ଜାନି,ତହସିଲଦାର ସୁକାନ୍ତ ଚନ୍ଦ୍ର ମିଶ୍ର,ଏସି ଏଫ ଦିବ୍ୟ ଶଙ୍କର ବେହେରା ପ୍ରମୁଖଙ୍କ ସମେତ ଜିଲ୍ଲା ବହୁ ପଦାଧିକାରୀ  ଉପସ୍ଥିତ ରହିଥିଲେ ।