ଖାର୍ଟୁମ: ଆଫ୍ରିକୀୟ ରାଷ୍ଟ୍ର ସୁଦାନରେ ଥିବା ଜାତିସଂଘ ଶିବିର ଉପରେ ଡ୍ରୋନ୍ ଆକ୍ରମଣ କରାଯାଇଥିବାବେଳେ ସେଠାରେ ମୁତୟନ ବାଂଲାଦେଶର ୬ ଜଣ ଯବାନ ପ୍ରାଣ ହରାଇଛନ୍ତି। ଏହି ଯବାନମାନେ ଜାତିସଂଘ ଶାନ୍ତିରକ୍ଷା ବାହିନୀରେ ସାମିଲ ଥିଲେ। ଆହତ ଅନ୍ୟ ଆଠଜଣ ଯବାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଆକ୍ରମଣ ପାଇଁ ସୁଦାନରେ ସକ୍ରିୟ ଥିବା ବିଦ୍ରୋହୀ ଗୋଷ୍ଠୀ ‘ୠାପିଡ ସପୋର୍ଟ ଫୋର୍ସ’କୁ ଦାୟୀ କରାଯାଇଛି। ସୁଦାନ ସରକାର ଏହି ଘଟଣାକୁ ତୀବ୍ର ନିନ୍ଦା କରିଥିବାବେଳେ ମୃତକଙ୍କ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି। ବାଂଲାଦେଶ ସରକାର ମଧ୍ୟ ଏହି ଆକ୍ରମଣକୁ କଡା ଭାଷାରେ ନିନ୍ଦା କରିଛନ୍ତି। ଜାତିସଂଘ ଶାନ୍ତିରକ୍ଷା ବାହିନୀ ଉପରେ ଏଭଳି ଆକ୍ରମଣ ଆନ୍ତର୍ଜାତିକ ନିୟମକୁ ଉଲ୍ଲଘଂନ କରୁଛି ବୋଲି ବାଂଲାଦେଶ ପକ୍ଷରୁ କୁହାଯାଇଛି। ସୂଚନାଯୋଗ୍ୟ ୨୦୧୩ରୁ ସୁଦାନରେ ସରକାରୀ ଓ ବିଦ୍ରୋହୀ ସେନା ମଧ୍ୟରେ ସଂଘର୍ଷ ଜାରି ରହିଛି। ଏଥିରେ ସହସ୍ରାଧିକ ଲୋକଙ୍କର ପ୍ରାଣହାନି ଘଟିସାରିଥିବାବେଳେ ଲକ୍ଷାଧିକ ଲୋକ ବାସଚ୍ୟୁତ ହୋଇଛନ୍ତି।
Popular Categories
Previous article
Next article