ଗୋପାଳପୁର: ଗୋପାଳପୁର ପୁଲିସ ଆଜି ବାଇକ ଚୋରି ମାମଲାରେ ଫେରାର ଅଭିଯୁକ୍ତକୁ ଗିରଫ କରି ଆଜି କୋର୍ଟ ଚାଲାଣ କରିଛି। ଅଭିଯୁକ୍ତ ଜଣକ ହେଲେ ନାରାୟଣପୁର ଗ୍ରାମର ଶ୍ରୀଧର ବେହେରା଼ ବୋଲି ପୁଲିସ କହିଛି।
ସୂଚନା ପ୍ରକାରେ ଗତବର୍ଷ ଡିସେମ୍ବର ମାସ ୩ ତାରିଖରେ ଖୋଡାସିଂ ଗ୍ରାମର ଅଶୋକ ସେଠୀ ସାନକୁଶସ୍ଥଳୀରେ ରହୁଥିବା ଶାଳକ ରାମ ଚନ୍ଦ୍ର ସେଠୀ ଘରକୁ ବୁଲିବାକୁ ଯାଇଥିଲେ। ସେଠାରୁ ତାଙ୍କ ବାଇକ ଚୋରି ହୋଇଥିବା ନେଇ ଗୋପାଳପୁର ଥାନାରେ ଅଭିଯୋଗ କରିଥିଲେ।l ଅଭିଯୋଗ ପ୍ରକାରେ ପୁଲିସ କେସ ନମ୍ବର ୩୩୩/୨୪ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।l ତଦନ୍ତ ବେଳେ ବାଇକକୁ ୩ ଜଣ ଚୋରି କରିଥିବା ପୁଲିସ ଜାଣିବାକୁ ପାଇଥିଲା। ସେମାଙ୍କ ମଧ୍ୟରୁ ଦୁଇ ଜଣଙ୍କୁ ବ୍ରହ୍ମପୁର ବୈଦ୍ୟନାଥପୁର ପୁଲିସ ଅନ୍ୟଏକ ଚୋରି ମାମଲାରେ ଗିରଫ କରିଥିବା ବେଳେ ଶ୍ରୀଧର ସେହି ଦିନ ଠାରୁ ଫେରାର ରହିଥିଲା। ବିଶେଷ ସୂତ୍ରରୁ ଆଜି ଗୋପାଳପୁର ଥାନା ପୁଲିସ ଖବର ପାଇଁ ଶ୍ରୀଧରକୁ ତାଙ୍କ ଘରୁ ଗିରଫ ପରେ କୋର୍ଟ ଚାଲାଣ କରିଥିଲା।
Comments are closed.