ଗୁରୁଡିଝାଟିଆ: ଗାଡ଼ି ଧକ୍କାରେ ଆଜି ଏକ ବାରହାର ମୃତ୍ୟୁ ଘଟିଛି। ମୃତ ବାରହାକୁ ବନ ବିଭାଗ ଉଦ୍ଧାର ପରେ ବ୍ୟବଚ୍ଛେଦ କରିଥିଲା। ବ୍ୟବଚ୍ଛେଦ ପରେ ବନ ବିଭାଗ କାର୍ଯ୍ୟାଳୟ ପରିସରରେ ବାରହା ମୃତଦେହକୁ ପୋତି ଦେଇଥିଲା।
ପୁରୁଣା କଟକ ସମ୍ବଲପୁର ରାସ୍ତାର ମହାଳପଡା ମୌଜାର ଏକ ପେଟ୍ରୋଲ ପମ୍ପ ଠାରୁ କିଛି ଦୂରରେ ଏକ ଅଜଣା ଗାଡ଼ି ଧକ୍କା ଦେବା ଯୋଗୁଁ ପ୍ରାୟ ଦୁଇ କୁଇଣ୍ଟାଲ ଓଜନ ବାରହାର ମୃତ୍ୟୁ ହୋଇଥିଲା।ଖାଦ୍ୟ ସନ୍ଧାନ ଅନ୍ବେଷଣରେ ଜଙ୍ଗଲରୁ ଖେତକୁ ଆସି ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ଘଟଣା ସଂପର୍କରେ ଖବର ପାଇ ଖୁଣ୍ଟୁଣୀ ବନାଞ୍ଚଳ ନୀଳ ମାଧବ ସାହୁ ଦୁର୍ଘଟଣା ସ୍ଥଳ ରେ ପହଞ୍ଚି ମୃତ ବାରହାଟିକୁ ଉଦ୍ଧାର କରିଥିଲେ।
