କାମାକ୍ଷାନଗର: କାମାକ୍ଷାନଗର ତହସିଲ ଅନ୍ତର୍ଗତ ସରୁଆଳି ଗ୍ରାମରେ ଶନିବାର ରାତି ସାଢେ ଏଗାରଟାରେ ଅଗ୍ନିକାଣ୍ଡ ଘଟି ୪ ଗୋଟି ପରିବାରର ୧୨ ବଖରା ଘର ଭସ୍ମିଭୁତ ହୋଇଯାଇଛି। ଖବରପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାରେ ସକ୍ଷମ ହୋଇଥିଲେ।
ଏହି ଅଗ୍ନିକାଣ୍ଡରେ ଗ୍ରାମର ପ୍ରମୋଦ ବିଶ୍ୱାଳଙ୍କର ୩ ବଖରା, ଦୁଲଭ ବିଶ୍ୱାଳଙ୍କର ୩, ସଞ୍ଜୟ ବିଶ୍ୱାଳଙ୍କର ୩ ଏବଂ ବିଜୟ ବିଶ୍ୱାଳଙ୍କର ୩ ବଖରା ଘର ପୋଡି ପାଉଁଶ ହୋଇଥିବା ବେଳେ ଘରେ ଥିବା ଆସବାବ ପୋଡି ୪ ଲକ୍ଷରୁ ଉର୍ଦ୍ଧ ଟଙ୍କାର ସମ୍ପତ୍ତି ନଷ୍ଟ ହୋଇଥିବାର ଜଣାଯାଇଛି। ଅଗ୍ନିକାଣ୍ଡର କାରଣ ସ୍ପଷ୍ଟ ଜଣାପଡ଼ିନାହିଁ । ବିପର୍ଣ୍ଣଙ୍କୁ ସରକାରୀ ଆର୍ଥିକ ସହାୟତା ପ୍ରଦାନ ସକାଶେ ସଂପୃକ୍ତ ଗ୍ରାମବାସୀମାନେ ଦାବି କରିଛନ୍ତି।
