ପାଟଣା: ପାଟଣା ଥାନା ଟାଙ୍ଗରପଡ଼ା ହୁଡ଼ି ସାହିରେ ଏକ ଗହଣା ମରାମତି ଦୋକାନୀଙ୍କ ଘର ସାମ୍ନାରେ ଶୁକ୍ରବାର ସନ୍ଧ୍ୟାରେ ବନ୍ଧୁକ ଫୁଟାଇ ଲକ୍ଷାଧିକ ଟଙ୍କାରୁ ଉର୍ଦ୍ଧ ସୁନା ଓ ରୂପା ଅଳଙ୍କାର ଲୁଟ ହେବା ଘଟଣାଟି ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ସୂଚନା ଯୋଗ୍ୟ ଯେ ଟାଙ୍ଗରପଡ଼ା ବଜାର ରେ ବାଵଲୁ ରଣାଙ୍କର ଏକ ଅଳଙ୍କାର ମରାମତି ଦୋକାନ ରହିଛି।
ଶୁକ୍ରବାର ସନ୍ଧ୍ୟା ସାଢେ଼ ୬ଟାରେ ବାବଲୁଙ୍କ ପୁଅ ଅଭିଜିତ ଦୋକାନ ବନ୍ଦ କରି ଏକ ବ୍ୟାଗରେ ସୁନା ଓ ରୂପା ଅଳଙ୍କାର ନେଇ ଘରକୁ ଫେରୁଥିବା ବେଳେ ନିଜ ଘରକୁ ଯିବା ସମୟରେ ତାଙ୍କ ଘର ସାମ୍ନାରେ ହଠାତ୍ ୪ ଜଣ ମୁଖା ପିନ୍ଧା ଦୁର୍ବୃତ୍ତ ଏକ ବାଇକ୍ ରେ ଆସି ଅତର୍କିତ ଭାବେ ବ୍ଲାଙ୍କ ଫାୟାରିଂ କରି ଅଳଙ୍କାର ବ୍ୟାଗ୍ ଲୁଟି ନେଇଥିଲେ। ବ୍ୟାଗରେ ୨୦ଟି ସୁନା ତୁଳସୀ ପତ୍ର, ୭ଟି ଇୟର ରିଙ୍ଗ , ଏକଟି ସୁନା ଚେନ , ରୂପା ଦେଢ଼ କିଗ୍ରା ଲୁଟ୍ ହୋଇଥିବା ଅଭିଯୋଗ ହୋଇଛି। ଅଭିଯୋଗ ପାଇବା ପରେ ପାଟଣା ଥାନାଧିକାରି ବିବତ୍ସ ପ୍ରଧାନ ଘଟଣା ସ୍ଥଳକୁ ଯାଇ ତଦନ୍ତ କରିଥିଲେ ମଧ୍ୟ ଲୁଟେରା ଙ୍କ ସନ୍ଧାନ ମିଳିନାହିଁ।
Comments are closed.