ପାଟଣା : ୪୯ ନଂ ଜାତୀୟ ରାଜପଥ ତୁରୁମୁଙ୍ଗା ଥାନା ନିକଟରେ ବାଇକ ଧକ୍କାରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ଦୁର୍ଘଟଣା ଘଟାଇଥିବା ବାଇକ ଚାଳକ ମଧ୍ୟ ଗୁରୁତର ହୋଇଛନ୍ତି। ଖିରେଇଟାଙ୍ଗିରି ପଥକର ଫାଟକ ନିକଟରେ ଘଟିଥିବା ଉଭୟଙ୍କୁ ଗୁରୁତର ଅବସ୍ଥାରେ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିବା ବେଳେ ଡାକ୍ତରଖାନାରେ ପହଞ୍ଚୁ ପହଞ୍ଚୁ ପଥଚାରୀଙ୍କ ମୃତ୍ୟୁ ଘଟିଥିଲା।
ଖବରରୁ ପ୍ରକାଶ ଯେ ସଦର ଥାନା କେନ୍ଦୁଆ ଗ୍ରାମର ଅର୍ଜୁନ ନାଏକ (୪୫) ଆଜି ତ୍ରିବନ୍ଧା ଗ୍ରାମକୁ ଏକ ଶୁଦ୍ଧିକ୍ରିୟା କାମକୁ ଆସି ସଂଧ୍ୟା ସାଢେ ୭ ଟା ପରେ ପରେ ତୁରୁମୁଙ୍ଗା ଥାନା ନିକଟରେ ଜାତୀୟ ରାଜପଥ ଅପର ପାର୍ଶ୍ବକୁ ଯାଇଥିବା ସମୟରେ ତୁରୁମୁଙ୍ଗା ବଜାରରୁ ବାଇକ ଯୋଗେ ରରୁଆଁ ଥାନା ଖିଚିଂ ଗ୍ରାମକୁ ଫେରୁଥିବା ସରୋଜ ପାତ୍ର (୨୨)ଙ୍କ ବାଇକଟି ଅର୍ଜୁନଙ୍କୁ ଧକ୍କା ଦେଇ ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାରେ ଅର୍ଜୁନଙ୍କ ମୃତ୍ୟୁ ଘଟିଥିବା ବେଳେ ସରୋଜ ଚିକିତ୍ସାଧିନ ଅଛନ୍ତି। ତୁରୁମୁଙ୍ଗା ପୁଲିସ ବାଇକଟିକୁ ଜବତ କରି ତଦନ୍ତ ଜାରି ରଖିଛି।
Comments are closed.