ପାଟଣା: ଗତକାଲି ସାହାରପଡା ଅଞ୍ଚଳର ଶିକ୍ଷକ ଶିକ୍ଷୟିତ୍ରୀ ଶିକ୍ଷକ ଭବନରେ ଏକତ୍ରିତ ହୋଇ ପ୍ରାଥମିକ ଶିକ୍ଷକ ଭବନରୁ ଏକ ଶୋଭାଯାତ୍ରାରେ ବାହାରି ସାହାରପଡା ବଜାର ଦେଇ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ ସଭାପତି କଳାକାର ମହାନ୍ତ, ଉପସଭାପତି ରାଖାଲ ଚନ୍ଦ୍ର ମହାନ୍ତ, ସଂପାଦକ ରତ୍ନାକର ସେଠୀ, ମାନସ ଆରୁକ ପ୍ରମୁଖ ନିଜର ବକ୍ତବ୍ୟ ରଖିଥିଲେ । ଆସନ୍ତା ୨୭-୧୧-୨୦୨୨ରୁ ଅନିର୍ଦ୍ଦିଷ୍ଟ କାଳ ପାଇଁ ରାଜଧାନୀର ରାଜରାସ୍ତାରେ ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଜଣାଇଥିଲେ ।
ଏଥିରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଯୋଗଦେଇ ନିଜର ୩ଦଫା ଦାବିପୂରଣ କରିବେ ବୋଲି ଜଣାଇଥିଲେ । ଏହାପରେ ପ୍ରତିନିଧି ଭାବେ ମହେଶ ପ୍ରସାଦ ଦାସ, ଖଗେଶ୍ବର ମହାନ୍ତ, ଅନ୍ତର୍ଯ୍ୟାମୀ ମହାପାତ୍ର ଯାଇ ବ୍ଲକ ଶିକ୍ଷା ଅଧିକାରୀ ଉତ୍ତମ କୁମାର ନାୟକଙ୍କୁ ଭେଟି ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସମ୍ମୁଖରେ ଦାବିପତ୍ର ପ୍ରଦାନ କରିଥିଲେ । ପୁଲିସ ଅଧିକାରୀ ଶିବ ପ୍ରସାଦ ଆଇଚଙ୍କ ତତ୍ବାବଧାନରେ ଶୋଭାଯାତ୍ରା ଶୃଙ୍ଖଳିତ ଭାବେ ପରିଚାଳିତ ହୋଇଥିଲା । ଶୋଭାଯାତ୍ରାରେ ଦିଲ୍ଲୀପ ସେଠୀ, ମନୋରଂଜନ ବେହେରା, ଉପେନ୍ଦ୍ର ପାତ୍ର, ରସାନନ୍ଦ ନାଏକ, ପାର୍ଥସାରଥୀ ବାରିକ୍, ପ୍ରତୀମା ନାଏକ, ମିନାକ୍ଷୀ ମୁଦି, ବିଶ୍ବନାଥ ମହାନ୍ତ ପ୍ରମୁଖ ଯୋଗ ଦେଇ ଶୋଭାଯାତ୍ରାକୁ ସଫଳ କରିଥିଲେ।
