ପଦ୍ମପୁର: ରାୟଗଡ଼ା ଜିଲା ପଦ୍ମପୁର ଡେରିଙ୍ଗା ପ୍ରାଥମିକ ବିଦ୍ୟାଳୟରେ ଘଟିଛି ଏକ ଅଭାବନୀୟ ଘଟଣା। ଡେରିଙ୍ଗା ସ୍କୁଲର ୪୦ ଶଯ୍ୟା ବିଶିଷ୍ଟ ଛାତ୍ର ନିବାସରେ ରାତ୍ରି ଭୋଜନରେ ପିଲାଙ୍କୁ ଡାଲି ନେଇ ବାଣ୍ଟିବା ସମୟରେ ପଞ୍ଚମ ଶ୍ରେଣୀ ଛାତ୍ର ମାନସ ଶବରଙ୍କ ଗୋଡ଼ ଉପରେ ଡାଲି ପଡ଼ିଯାଇ ଛାତ୍ର ଗୁରୁତର ହୋଇଛନ୍ତି। ବୁଧବାର ରାତି ୮ଟା ସମୟରେ ଏହି ଘଟଣା ଘଟିଥିବା ଜଣାପଡ଼ିଛି। ଗୁରୁବାର ବିଦ୍ୟାଳୟ କର୍ତ୍ତୃପକ୍ଷ ଛାତ୍ରଙ୍କୁ ପଦ୍ମପୁର ମେଡିକାଲରେ ଭର୍ତ୍ତି କରିଛନ୍ତି। ଅବସ୍ଥା ଅଧିକ ଗୁରୁତର ହେବାରୁ ଛାତ୍ରଙ୍କୁ ରାୟଗଡ଼ା ବର୍ଣ୍ଣ ୟୁନିଟକୁ ସ୍ଥାନାନ୍ତର କରାଯାଇଥିବା ପଦ୍ମପୁର ମେଡିକାଲର ଚିକିତ୍ସା କରିଥିବା ଡାକ୍ତର ସୂଚନା ଦେଇଛନ୍ତି। ଘଟଣା ସ୍ଥଳରେ ସ୍ଥାନୀୟ ପୁଲିସ, ବ୍ଲକ ମଙ୍ଗଳ ଅଧିକାରୀ ସୁସ୍ମିତା ରଥ, ସ୍କୁଲର ପ୍ରଧାନଶିକ୍ଷକ ଭୁବନାନନ୍ଦ ଖାଡଙ୍ଗା ପହଞ୍ଚିଛନ୍ତି। ଏପଟେ ଏହି ଘଟଣାକୁ ନେଇ ପିଲାଙ୍କ ହାତରେ ଡାଲି ଦେବାକୁ କିଏ କହିଲା ବୋଲି ପଚାରିଛନ୍ତି ଛାତ୍ରଙ୍କ ମାଆ। ସ୍କୁଲର ଶିକ୍ଷକଙ୍କ ଖାମଖିଆଲ ନୀତି ଯୋଗୁ ଏପରି ହୋଇଥିବା ସେ କହିଛନ୍ତି।
Popular Categories
Previous article
Next article