ସମ୍ବଲପୁର: ସ୍ଥାନୀୟ ବିଶାଲଖିଣ୍ଡା ଗ୍ରାମରେ ସମ୍ବଲପୁରୀ ଭାଷା ଏକାଡେମୀ ତରଫରୁ ଚାଲିଥିବା ସମ୍ବଲପୁରୀ ହପ୍ତା ୨୦୨୪ର ୪ର୍ଥ ଦିବସ ଅବସରରେ ‘ସମ୍ବଲପୁରୀ କବିତା ପଢ଼଼ାନ’ କାର୍ଯ୍ୟକ୍ରମ ଶନିବାର ଆୟୋଜିତ ହୋଇଯାଇଛି। ଏଥିରେ ମୁଖ୍ୟ ଅତିଥି ରୂପେ ସିଦ୍ଧୁ ସାହୁ ଓ ମୁଖ୍ୟବକ୍ତା ରୂପେ ସିତେଶ ନାଗ ଯୋଗ ଦେଇଥିବା ବେଳେ ମାଁ ସମେଲଶ୍ୱରୀଙ୍କ ପୂଜାର୍ଚ୍ଚନା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଛାତ୍ରଛାତ୍ରୀ ମାନେ ନିଜସ୍ୱ ରଚିତ ସମ୍ବଲପୁରୀ କବିତା ଗୁଡିକ ପାଠ କରିଥିଲେ। ଚତୁର୍ଭୁଜ ଗର୍ଡ଼ିଆ ମଧ୍ୟ ‘ଆସ ଜଗାମାଁ ଗଛ’ କବିତା ପାଠ କରିଥିଲେ। ଛାତ୍ରଛାତ୍ରୀ ମାନଙ୍କୁ କବିତା ଲେଖିବାର କୌଶଳ ମଧ୍ୟ ଏକାଡେମୀ ପକ୍ଷରୁ ଶିକ୍ଷା ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମକୁ ବହୁ ଉତ୍ସାହର ସହିତ ଅଞ୍ଚଳବାସୀ ଅଂଶଗ୍ରହଣ କରି ଉପଭୋଗ କରିଥିଲେ। କାର୍ଯ୍ୟକ୍ରମକୁ ସଭାପତି ହେମକାନ୍ତ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ସମ୍ପାଦକ ଦେବାଶିଷ ସାହୁ ପରିଚାଳନା କରିଥିଲେ।
Popular Categories
Previous article
Next article