ଗୋପାଳପୁର : ଗୋପାଳପୁର ସମୁଦ୍ରରେ ଆଜି ସମୁଦ୍ରରେ ଗାଧୋଉ ଥିବା ବେଳେ ଜଣେ ନାବାଳକର ମୃତ୍ୟୁ ହୋଇଥିବା ଜଣାପଡିଛି। ମୃତ ନାବାଳକ ଜଣକ ହେଲେ ଦିଗପହଣ୍ଡି ଗଣିଆନାଳର ରାଜେଶ ଶତପଥୀ ଓରଫ ରାଜା ବୟସ ୧୪ ବୋଲି ଜଣାପଡିଛି। ସୂଚନା ପ୍ରକାରେ ଆଜି ଦିନ ପ୍ରାୟ ୧୧ଟା ସମୟରେ ମୃତ ରାଜେଶ ସହ ବଡ଼ ଭାଇ ଓ ଭଉଣୀ ଏବଂ ପିଉସୀ ପୁଅ ଭାଇ ମିଶି ଗୋପାଳପୁର ସମୁଦ୍ରକୁ ବୁଲିବାକୁ ଆସିଥିଲେ। ଫାଣ୍ଡି ନିକଟରେ ଥିବା ବେଳାଭୂମି ନିକଟରେ ତିନି ଭାଇ ମିଶି ଗାଧୋଉ ଥିଲେ। ଗାଧୋଉ ଥିବା ବଡ଼ ଭାଇ ଓ ପିଉସି ପୁଅ ଭାଇ କୂଳକୁ ଆସି ଯାଇଥିବା ବେଳେ କୌଣସି କାରଣରୁ ରାଜେଶର ଗୋଡ଼ ଖସି ଯିବାରୁ ପାଣି ଭିତରକୁ ଚାଲି ଯାଇଥିଲେ।
ନିୟୋଜିତ ଥିବା ଲାଇଫଗାର୍ଡ ଓ ମତ୍ସଜୀବି ରାଜେଶକୁ ଉଦ୍ଧାର କରି କୂଳକୁ ଆଣି ପ୍ରାଥମିକ ଚିକିତ୍ସା କରାଇଥିଲେ । ପରେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ l କିନ୍ତୁ ଆମ୍ବୁଲାନ୍ସ ଆସିବା ବିଳମ୍ବ ହେବାରୁ ଏକ ଅଟୋରେ ବ୍ରହ୍ମପୁର ବଡ଼ ମେଡିକାଲ ନେଇଥିଲେ । ସେଠାରେ ଡାକ୍ତର ରାଜେଶକୁ ମୃତ୍ୟୁ ଘୋଷଣା କରିଥିବା ନେଇ ମାମୁଁ ଗୋପାଳପୁର ଥାନାରେ ଲିଖିତ ଲିଖିତ ଭାବେ ଜଣାଇଥିଲେ । ପୁଲିସ କେସ ନମ୍ବର ୨୬/୨୪ ମାମଲା ରୁଜୁ ମେଡିକାଲ ପହଞ୍ଚି ତଦନ୍ତ ଆରମ୍ଭ କରିଛି। ମୃତ୍ୟୁ ରାଜେଶ ଦିଗପହଣ୍ଡି ସରସ୍ବତୀ ଶିଶୁ ବିଦ୍ୟା ମନ୍ଦିରର ନବମ ଶ୍ରେଣୀ ଛାତ୍ର ବୋଲି ଜଣାପଡ଼ିଛି l
