ସମ୍ବଲପୁର: ସମ୍ବଲପୁର ଜିଲା ଯୁଯୁମୁରା ବ୍ଲକ ଅନ୍ତର୍ଗତ ଲିପିଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ସିଂହପାଲି ଗ୍ରାମରେ ହାତୀ ୨ ଜଣଙ୍କ ଘର ଭାଙ୍ଗି ଦେଇଛି। ସିଂହପାଲି ନିବାସୀ ବସନ୍ତ ଧରୁଆ ଓ ଗୋବିନ୍ଦ ଧରୁଆ ନାମକ ୨ ଜଣ ଗ୍ରାମବାସୀଙ୍କ ଘରକୁ ବିଳମ୍ବିତ ରାତ୍ରିରେ ବଣୁଆ ହାତୀ ଭାଙ୍ଗି ଦେଇଛି। ସୌଭାଗ୍ୟକ୍ରମେ ଏହି ଘଟଣାରେ କେହି ମୃତାହତ ହୋଇ ନ ଥିବା ବେଳେ ପରିବାରର ସମସ୍ତେ ଅଳ୍ପକେ ବର୍ତ୍ତି ଯାଇଛନ୍ତି। ଏହି ଅଞ୍ଚଳରେ କ୍ରମାଗତ ଭାବରେ ହାତୀ ଉପଦ୍ରବ କରି ଲୋକଙ୍କ ଜୀବନରେ ମାରିଦେବା, ଫସଲ ନଷ୍ଟ କରିବା ଓ ଘର ଭାଙ୍ଗିବା ଜାରି ରଖିଥିବା ବେଳେ ଏହାର ସ୍ଥାୟୀ ପ୍ରତିକାର କରିବାରେ ପ୍ରଶାସନ ବିଫଳ ରହିଥିବାରୁ ଲୋକେ ତୀବ୍ର ଅସନ୍ତୋଷ ଜାହିର କରୁଛନ୍ତି। ଅପରପକ୍ଷରେ ଏହି ଘଟଣାର ସୂଚନା ବନ ବିଭାଗକୁ ପ୍ରଦାନ କରାଯାଇଛି।
Popular Categories
Previous article
Next article