ନୂଆପାଟଣା ମଦନମୋହନଙ୍କ ଚନ୍ଦନ ଯାତ୍ରା ଆରମ୍ଭ

 ମଦନମୋହନଙ୍କ ପୀଠ ପରମ୍ପରା ଅନୁଯାୟୀ ଗତ ବୈଶାଖ ପୂର୍ଣ୍ଣିମା ଠାରୁ ଚନ୍ଦନ ପର୍ବର ମାରମ୍ଭ ହୋଇଛି। ପୂର୍ଣ୍ଣିମାରେ ଚନ୍ଦନ ପୋଖରୀକୁ ଡଙ୍ଗା ଆସିବା ପରେ ଦ୍ଵିତୀୟାରେ ଡଙ୍ଗା ସ୍ପର୍ଶ, ତୃତୀୟାରେ ଚନ୍ଦନ ମଣ୍ଡପ ସ୍ପର୍ଶ, ଚତୁର୍ଥୀରେ ଚାପରେ ଭଉଁରୀ ଖେଳ ଆରମ୍ଭ ହୋଇଥିଲା। ଶୁକ୍ରବାର ପଞ୍ଚମୀ ଠାରୁ ଚନ୍ଦନ ଯାତ୍ରା ଆରମ୍ଭ ହେବା ସହ ଭଉଁରୀ ଖେଳ ଆରମ୍ଭ ହୋଇଛି। ଶୁକ୍ରବାର ଠାରୁ ତିନି ଦିନ ଧରି ବହୁରୂପୀ ଓ କୀର୍ତ୍ତନ ମଣ୍ଡଳୀଙ୍କୁ ନେଇ ବିଶାଳ ଶୋଭାଯାତ୍ରାରେ ପ୍ରଭୁ ମଦନମୋହନ ଗ୍ରାମରେ ନଗର ପରିକ୍ରମା କରିବେ। ଗ୍ରାମର ଚୈତନ୍ୟ, ଗୋପୀନାଥ ଏବଂ ରାଧାମୋହନଙ୍କ ପୀଠର କୀର୍ତ୍ତନ ମଣ୍ଡଳୀ ସହିତ ମଦନମୋହନ ପୀଠର କୀର୍ତ୍ତନ ମଣ୍ଡଳୀ ନାମ ସଂକୀର୍ତ୍ତନରେ ଗ୍ରାମରେ ଆଧ୍ୟାତ୍ମିକ ବାତାବରଣ ଖେଳି ଯାଇଛି। ଅପରପକ୍ଷେ  ଯାତ୍ରାରେ ପ୍ରତ୍ୟେହ ବିଭିନ୍ନ କମିଟି ପକ୍ଷରୁ ସାଂସ୍କୁତିକ କାର୍ଯ୍ୟକ୍ରମ କରାଯିବା ସହ ବିଭିନ୍ନ ସାହିର ଯୁବକ ସଂଘ ପକ୍ଷରୁ ରାତ୍ର ସମୟରେ ସାମାଜିକ ନାଟକ ପରିବେଷଣ କରାଯିବାର ସୂଚନା ଦିଆଯାଇଛି। ମନ୍ଦିର ଟ୍ରଷ୍ଟି ସଚ୍ଚିଦାନନ୍ଦ ଦାସ ଏବଂ ସୁରେଶ ଚନ୍ଦ୍ର ଦାସଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସମସ୍ତ ସେବା ନୀତି ଅନୁଷ୍ଠିତ ହେଉଥିବା ବେଳେ ଗ୍ରାମ ପରିଚାଳନା ସଭାପତି ପ୍ରକାଶ କୁମାର ଦାସ, ସମସ୍ତ ପରିଚାଳନା କମିଟି ସଦସ୍ୟ ଏବଂ ଗ୍ରାମବାସୀ ଏହି ଯାତ୍ରାକୁ ଶୃଙ୍ଖଳିତ ଭାବେ ପାଳନ କରିବାରେ ଲାଗିପଡ଼ିଛନ୍ତି। ଆସନ୍ତା ୧୪ ତାରିଖରେ ମାଛବିନ୍ଧା ଏଵଂ ସାମୂହିକ ଭସାଣ ପର୍ବ ଅନୁଷ୍ଠିତ ହେବ।