କାଲିମେଳା : ମାଲକାନଗିରି କାଲିମେଳା ବ୍ଲକ ଅନ୍ତର୍ଗତ ଟିଗଲ ପଞ୍ଚାୟତ ଏମଭି ୭୯ ତାମାନପଲ୍ଲୀ ଗାଁରେ ଅଜଣା ରୋଗର ଆତଙ୍କ ଦେଖିବାକୁ ମିଳିଛି। ଗତ ୧୫ ଦିନ ମଧ୍ୟରେ ୬ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏହା ସହ ଅନ୍ୟ ୭ ଜଣ ଶିଶୁ ଆକ୍ରାନ୍ତ ହୋଇଛନ୍ତି। ପ୍ରାୟ ଏକ ବର୍ଷରୁ କମ ବୟସର ଶିଶୁଙ୍କୁ ଏହି ରୋଗ ହେଉଛି । ତାମାନପଲ୍ଲୀ ଗାଁରେ କାଲିମେଳା ମେଡ଼ିକାଲର ଏକ ଡ଼ାକ୍ତରୀ ଟିମ ପହଞ୍ଚି ଅନୁସନ୍ଧାନ ଆରମ୍ଭ କରିଛି।
ମିଳିଥିବା ସୂଚନା ଅନୁଯାୟୀ, ଶିଶୁଙ୍କୁ ପ୍ରଥମେ ଜ୍ୱର, କାଶ, ଥଣ୍ଡା ଓ ବାରମ୍ବାର ବାନ୍ତି ହେବା ପରେ ସେମାନଙ୍କ ମୃତ୍ୟୁ ହେଉଛି। ଏହି କାରଣରୁ ଗାଁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି। ଗ୍ରାମବାସୀ ଏହାକୁ ଜାପାନୀ ଏନସେଫାଲାଇଟିସ ରୋଗ କହୁଥିଲେ ମଧ୍ୟ ମେଡ଼ିକାଲ ତରଫରୁ ଏ ବିଷୟରେ କୌଣସି ସୂଚନା ମିଳିପାରି ନାହିଁ। ଅଜଣା ରୋଗରେ ଆକ୍ରାନ୍ତ ଥିବା ଶିଶୁଙ୍କ ରକ୍ତ ନମୁନା ସଂଗ୍ରହ କରାଯାଇଛି। ରିର୍ପୋଟ ଆସିବା ପରେ ଏହି ରୋଗ ସମ୍ପର୍କରେ ସଠିକ ଜଣାପଡ଼ିବ।
Comments are closed.