ନୂଆଦିଲ୍ଲୀ : ପଞ୍ଜାବର ପର୍ଯ୍ୟଟନ ମନ୍ତ୍ରୀ ତଥା ପୂର୍ବତନ କ୍ରିକେଟ ତାରକା ନବଜୋତ୍ ସିଂହ ସିଧୁ ପୁଣି ଅଡ଼ୁଆରେ ପଡ଼ିଛନ୍ତି। ନିକଟରେ ପାକିସ୍ତାନ ପ୍ରଧାନମନ୍ତ୍ରୀ ଭାବେ ଇମ୍ରାନ ଖାଁଙ୍କ ଶପଥ ଗ୍ରହଣ ଉତ୍ସବରେ ସିଧୁ ସେ ଦେଶର ସେନାଧ୍ୟକ୍ଷଙ୍କୁ କୋଳାଗ୍ରତ କରିବା ନେଇ ବେଶ୍ ବିବାଦରେ ଛନ୍ଦି ହୋଇଥିଲେ। ଏବେ ତାଙ୍କ ବିରୋଧରେ ରହିଥିବା ପୁରୁଣା ରାସ୍ତାରେ ମାରପିଟ୍ ମାମଲାକୁ ପୁନଃ ଖୋଲିଛନ୍ତି ସର୍ବୋଚ୍ଚ ନ୍ୟାୟାଳୟ। ଏହା ଦ୍ୱାରା ସେ କାରାଦଣ୍ଡର ସମ୍ମୁଖୀନ ହେବାର ଆଶଙ୍କା ସୃଷ୍ଟି ହୋଇଛି। ଗତ ମେ ୧୫ରେ ନ୍ୟାୟାଳୟ ତାଙ୍କୁ ଏହି ମାମଲାରେ ଏକ ହଜାର ଟଙ୍କାର ଜୋରିମାନା ସହିତ ହତ୍ୟା ମାମଲାରୁ ଦୋଷମୁକ୍ତ କରିଥିଲେ। ୧୯୮୮ରେ ରାସ୍ତାରେ ଗଣ୍ଡଗୋଳ କରି ସିଧୁ ଜଣଙ୍କୁ ମାରୁମାରୁ ମାରି ଦେଇଥିଲେ। ଏହି ମାମଲାର ପୁନର୍ବିଚାର ପାଇଁ ମୃତକଙ୍କ ପରିବାର ପକ୍ଷରୁ ସର୍ବୋଚ୍ଚ ନ୍ୟାୟାଳୟରେ ଆବେଦନ କରାଯାଇଥିଲା ଓ ଏହା ବିଚାର ପାଇଁ ଗୃହୀତ ହୋଇଛି। ଏଥିସହିତ ଆବେଦନକାରୀଙ୍କ ଦାବି ମତେ ତାଙ୍କୁ କାହିଁକି କଠୋର ଦଣ୍ଡବିଧାନ କରା ନଯିବ ତା’ର ଉତ୍ତର ଦେବାକୁ ସିଧୁଙ୍କୁ ନ୍ୟାୟାଳୟ ନୋଟିସ ଜାରି କରିଛନ୍ତି। ସିଧୁ ଏବେ ଦୋଷୀ ସାବ୍ୟସ୍ତ ହେଲେ ଗୋଟିଏ ବର୍ଷ କାରାଦଣ୍ଡ ଭୋଗିବେ।
Popular Categories
Previous article
Next article