ତିଗିରିଆ : ତିଗିରିଆ ଅଞ୍ଚଳର ଅଗ୍ରଣୀ କୃଷି ଓ କୃଷକ ସଂଗଠନ ‘ଆଶ୍ୱାସ’ ପକ୍ଷରୁ ଶନିବାର ମେଧାବୀ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସଂଗଠନର ଅଧ୍ୟକ୍ଷ ସୁରେନ୍ଦ୍ର କୁମାର ସ୍ବାଇଁଙ୍କ ତତ୍ତ୍ୱାବଧାନରେ ଦଶମ ବୋର୍ଡ ପରୀକ୍ଷାରେ ୫୭୭ ନମ୍ବର ମାର୍କ ରଖି ତିଗିରିଆ ବ୍ଲକରେ ଶ୍ରେଷ୍ଠ ସ୍ଥାନ ହାସଲ କରିଥିବା ଗଦାଧରପୁର ଉଚ୍ଚ ବିଦ୍ୟାଳୟର ଛାତ୍ର ଦର୍ଶନ ରାଉତଙ୍କୁ ଫୁଲତୋଡା, ପାଠ୍ୟ ଉପକରଣ ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ଦର୍ଶନଙ୍କ ଘର ହରିଶରଣପୁର ଗ୍ରାମରେ ପହଞ୍ଚି ସଂଗଠନର ବରିଷ୍ଠ ସଦସ୍ୟ ଭ୍ରମରବର ସ୍ବାଇଁ, କୃଷକ ନେତା ଲକ୍ଷ୍ମଣ ମନ୍ତ୍ରୀ, ସଦସ୍ୟ ବିଚିତ୍ର ଖଟୁଆ, ରମେଶ ସ୍ୱାଇଁ, ତ୍ରିଲୋଚନ ପ୍ରଧାନ, କାଳନ୍ଦି ଭଟ୍ଟ ପ୍ରମୁଖ ଉପସ୍ଥିତ ରହି ମେଧାବୀ ଦର୍ଶନଙ୍କୁ ମିଠା ଖୁଆଇବା ସହ ତାଙ୍କର ଉଜ୍ବଳ ଭବିଷ୍ୟତ କାମନା କରିଥିଲେ। ସମ୍ପାଦକ ପବିତ୍ର ପ୍ରଧାନ ମଧ୍ୟ କାର୍ଯ୍ୟକ୍ରମରେ ଯୋଗ ଦେଇଥିଲେ।
ସେହିପରି ଆଠଗଡ଼ ବିକାଶ ମଞ୍ଚ ପକ୍ଷରୁ ମଧ୍ୟ ଶନିବାର ଦର୍ଶନ ରାଉତଙ୍କୁ ସମ୍ବର୍ଦ୍ଧନା ଦିଆଯାଇଛି। ବିକାଶ ମଞ୍ଚର ସଭାପତି ମାନସ ବସ୍ତିଆ ନିଜେ ଦର୍ଶନଙ୍କ ଘରକୁ ଯାଇ ଉପଢୌକନ ଏବଂ ପାଠ୍ୟ ଉପକରଣ ପ୍ରଦାନ କରି ସମ୍ବର୍ଦ୍ଧନା ଦେବା ସହ ଉଜ୍ଜ୍ବଳ ଭବିଷ୍ୟତ କାମନା କରିଥିଲେ। ବିକାଶ ମଞ୍ଚର ସଦସ୍ୟ ପ୍ରଦ୍ୟୁମ୍ନ ଦାଶ ମଧ୍ୟ ଉପସ୍ଥିତ ଥିଲେ।
Comments are closed.