ନୂଆଦିଲ୍ଲୀ: ଆମେ ସାଧାରଣତଃ ଟ୍ରାଫିକ ନିୟମ ପାଳନ କରିବାକୁ ଯାଇ ଦୁଇ ଚକିଆ ଯାନ ଚଳାଇବା ସମୟରେ ହେଲମେଟ୍ ପିନ୍ଧୁ। ମାତ୍ର ଆପଣମାନେ କେବେ ଚାରିଚକିଆ ଯାନ ଚଳାଇବାବେଳେ ହେଲମେଟ୍ ପିନ୍ଧିବା ଦେଖିଛନ୍ତି କି? ହଁ ଆଜ୍ଞା କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ସତ। ଝାନ୍ସୀର ଜଣେ ବ୍ୟକ୍ତି ହେଲମେଟ୍ ପିନ୍ଧି କାର୍ ଚାଳନା କରୁଥିବା ଚର୍ଚ୍ଚାର ବିଷୟ ପାଲଟିଛି। ଝାନ୍ସୀ ବାସିନ୍ଦା ବାହାଦୁର ସିଂହ ପରିହାର ନିଜ କାର୍ ଚଳାଇ ଯିବା ସମୟରେ ହେଲମେଟ୍ ପିନ୍ଧିବା ପଛରେ ଆଉ ଏକ ରୋଚକ କାରଣ ରହିଛି। କିଛିଦିନ ତଳେ ବାହାଦୁର ସିଂହଙ୍କ ମୋବାଇଲ୍କୁ ଟ୍ରାଫିକ ପୁଲିସ ତରଫରୁ ଏକ ବାର୍ତ୍ତା ଆସିଲା। ଏହି ବାର୍ତ୍ତାରେ ଦର୍ଶାଯାଇଥିଲା ଯେ ବିନା ହେଲମେଟ୍ରେ ଗାଡ଼ି ଚଳାଉଥିବାରୁ ତାଙ୍କ ଉପରେ ଏକହଜାର ଟଙ୍କା ଜୋରିମାନା ହୋଇଛି। ବାହାଦୁର ସିଂହ ସର୍ବଦା କାର୍ ଚଳାଉଥିବା ବେଳେ ହେଲମେଟ୍ ନ ପିନ୍ଧିବାରୁ ଜୋରିମାନା ହୋଇଥିବା ବାର୍ତ୍ତା ତାଙ୍କୁ ଚକିତ କରିଥିଲା। ବାହାଦୁର ସିଂହ ଟ୍ରାଫିକ ପୁଲିସର ୱେବସାଇଟ୍ରେ ଯାଞ୍ଚ କରିଥିଲେ। ୱେବସାଇଟ୍ର ତଥ୍ୟ ଅନୁଯାୟୀ ବାହାଦୁର ସିଂହ ଚାରିଚକିଆ ଯାନ ଚଳାଇ ଯାଉଥିବା ବେଳେ ହେଲମେଟ ପିନ୍ଧି ନଥିବା ଯୋଗୁଁ ଜୋରିମାନା ହୋଇଥିବା ଦର୍ଶାଯାଇଥିଲା। ବାହାଦୁର ସିଂହ ତୁରନ୍ତ ଟ୍ରାଫିକ କାର୍ଯ୍ୟାଳୟରେ ପହଞ୍ଚି ଏ ସମ୍ପର୍କରେ ସ୍ପଷ୍ଟୀକରଣ ମାଗିଥିଲେ। ତେବେ ନିର୍ବାଚନ ଶେଷ ହେବା ପରେ ଘଟଣା ସମ୍ପର୍କରେ ତଦନ୍ତ ହେବ ବୋଲି ଟ୍ରାଫିକ ଅଧିକାରୀ ତାଙ୍କୁ କହିଥିଲେ। ଆଗକୁ କାର୍ ଚଳାଉଥିବା ବେଳେ ହେଲମେଟ୍ ପିନ୍ଧିନଥିବାରୁ ପୁନର୍ବାର ଜୋରିମାନା ହେବାର ଆଶଙ୍କା ଥିବାରୁ ହେଲମେଟ୍ ପିନ୍ଧି କାର୍ ଚଳାଉଥିବା ବାହାଦୁର ସିଂହ ଦର୍ଶାଇଛନ୍ତି।
Popular Categories
Previous article
Next article